Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿nieyngün kidu ñi Biblia?

Pu Dungukelu Iney Ngen Jewba, ¿nieyngün kidu ñi Biblia?

Pu Dungukelu Iney Ngen Jewba ngüneduamkeyngün fillke Biblia ñi chillkatuafiel. Welu rume falintukefingün tati Traducción del Nuevo Mundo de las Santas Escrituras, tüfachi Biblia rulpadungungey fentren kewün dungu mu, ka üytukefi ta Chaw Ngünechen ñi üy, manelfalngey ka kimfalngey.

  • Üytukefi Chaw Ngünechen ñi üy. Fentren pu trokiñche entukelu Biblia yamniekelafi ta Ngünechen. Kiñe pengelün dungu, kiñe Biblia ñi rulpadungungeel üytufi doy 70 che kellulu ñi entual tüfachi Biblia, welu kiñechi no rume üytungelay tati rüf Ngen-ngelu ti Biblia mu: Jewba.

    Welu tati Traducción del Nuevo Mundo tukufi Ngünechen ñi üy fentren warangka rupa chew ñi mülekefel ti kuyfike wirin chillka mu, welu üytukelafi tati pu rulpadungufilu.

  • Manelfalngey. Kiñeke Biblia rulpadungungelu manelfalngelay ñi pengelfiel tañi rüf werkün dungu. Kiñe pengelün dungu, kiñe Biblia femngechi rulpadunguy Jesus ñi feypiel Matew 16:⁠24 mu: “Iney rume ayüle iñche ñi disipulungeael, kisu ngüyünentuwpe, ka eluwkülepe ñi kutrankawael ta kürus mew ngeay rume, fey inaechimew”. Fentren tripantu petu ñi mülenon ta Jesus tati pu poyekefilu pu koylake dios niefuyngün tati kürus ñi pengelngeal tañi religion. 250 tripantu püle taiñ mülen antü mu, tati pu iglesia küpa pengelingün tüfachi adentun ñi pengelal ti kürus chew ñi lan ta Jesus. Pu rulpadungulu tati Biblia wirintukuyngün “kürus”, rakiduamkelu am Jesus ñi lan kiñe kürus mew. Welu tati dungu wirintukungelu ti kuyfike wirin chillka mu, rulpadungungey “orkon mamüll”. Feymu tati Traducción del Nuevo Mundo feypiley tüfachi versikulo mew: “Iney rume ayüle tañi inayaetew kidu ngüyünentuwpe, nüwpe tañi orkon mamüll, fey inaechi”.

  • Kimfalngey. Kiñe Biblia küme rulpadungungelu müley ñi manelfalngeal, welu kafey müley tañi kimfalngeal. Inaduamaiñ kiñe pengelün dungu, fentren Biblia mew femngechi rulpadungungey Matew 5:⁠3: “Ayüwün-ngey tati pu fillalelu ñi püllü mew”. Welu tüfachi dungu küdawngey ñi adümngeal. Feymu ti Traducción del Nuevo Mundo femngechi rulpadunguy tüfachi versikulo: “Ayüwün nieyngün tati pu kimlu ñi duamnieel Ngünechen ñi dungu”.

Tati Traducción del Nuevo Mundo yamkefi Ngünechen ñi üy, manelfalngey ka kimfalngey ñi pengelfiel ti werkün dungu, welu rume fali ka dungu mu: wülngekey kofrangenon mu. Feymu rume fentren che nienolu plata tañi ngillayafiel kiñe Biblia, papeltuafuyngün tüfa kidu ñi kewün mu.