Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿chumngelu eluwkelayngün ñi tukulelngeal mollfüñ?

Pu Dungukelu Iney Ngen Jewba, ¿chumngelu eluwkelayngün ñi tukulelngeal mollfüñ?

Pu che ñi nütramkakeel ka ti rüf dungu

Pu che ñi nütramkakeel: Tati medico pepi kellukelaeyew trokikeyngün pu Dungukelu Iney Ngen Jewba, feymu llowkelayngün lawentun.

Ti rüf dungu: Iñchiñ, pu Dungukelu Iney Ngen Jewba, kintukeiñ tati doy küme lawentun taiñ tremoltungeal. Kutranküleliyiñ, kam duamnieliyiñ taiñ operangeal, amukeiñ medico ka cirujano adümuwkelu tati lawentun mu pünekenolu mollfüñ. Ka müna mañumkeiñ tati doy kümeke lawentun ñi tripaken famülke mu. Doyelchi may, ti lawentun ñi elungen pu Dungukelu Iney Ngen Jewba femngechi ñi duamtunoal mollfüñ, fewla pünengekey ñi kelluafiel kakelu che kütu. Tati lawentun duamkelu mollfüñ newe küme tripakelay: tati pu che keñantukuafuy ti mollfüñ, kontuafeyew fillke kutran kam ti kuerpu küme llowlayafuy ti mollfüñ. Feymu fentren trokiñ mapu mew, chem che rume dulliafuy ñi duamtunoal mollfüñ tañi lawentun mu femngechi ñi tunoal tüfachi wedake dungu.

Pu che ñi nütramkakeel: Pu Dungukelu Iney Ngen Jewba rakiduamkeyngün tati mupiltun mu ñi pepi tremoltuafiel tati pu che kutrankülelu.

Ti rüf dungu: Iñchiñ turpu tremoltukelafiyiñ iney no rume mupiltun mu.

Pu che ñi nütramkakeel: Müna fali feychi lawentun tukungenon mu mollfüñ.

Ti rüf dungu: Ti lawentun tukungenon mu mollfüñ, rupalu chi antü pengeafuy doy pichin plata ñi amultukungeal. *

Pu che ñi nütramkakeel: Fentren Dungukelu Iney Ngen Jewba, pu pichikeche kütu, latripakeyngün fill tripantu mu, eluwkenolu am ñi tukulelngeal mollfüñ tañi kuerpu mu.

Ti rüf dungu: Chem dungu no rume pengelkelay ñi rüfngen tüfachi feypin. Famülke mu, pu cirujano femkeyngün fütrake operacion tukulelnofiel mollfüñ pu che ñi kuerpu mu, kiñeke tüfa ñi operangeal ti piwke, tukulelngeal fillke trokiñ ñi nieel ti kuerpu ponwi mu ka operacion ortopedica pingelu. * Pu che ka ti pu pichikeche tukulelngenolu mollfüñ tañi kuerpu ñi operangeal, doy küme tremotukeyngün feychi che tukulelngelu mollfüñ. * Kafey, iney no rume feypilayafuy “feychi che layay tukulelngenole mollfüñ”, kam “fey mongeay tukulelngele mollfüñ”.

Pu Dungukelu Iney Ngen Jewba, ¿chumngelu eluwkelayngün ñi tukulelngeal mollfüñ?

Tüfachi rakiduam nüwküley taiñ feyentun mu, koneltukelay ti medico dungu mu. Tati Antiguo ka Nuevo Testamento werkükeeiñmew ngünewküleal mollfüñ dungu mu (Génesis 9:⁠4; Levítico 17:⁠10; Deuteronomio 12:⁠23; Hecho 15:⁠28, 29, Traducción del Nuevo Mundo). Kafey, Chaw Ngünechen mew, tati mollfüñ adentuley tati mongen mu (Levítico 17:⁠14). Feymu, pu Dungukelu Iney Ngen Jewba inakefiyiñ tüfachi werkün mülelu Biblia mu, taiñ ngünewküleal mollfüñ dungu mu, femngechi yamniefiyiñ taiñ Chaw Ngünechen, taiñ eluetew ti mongen.

We dungu ñi rakiduamfalngen

Fütrake operacion femngeafuy tukulelngenon mu mollfüñ

Kiñeke tripantu mu, pu medico rakiduamkefuyngün nga kom tati lawentun ñi pünengeafel ñi tukulelnoafiel mollfüñ tati pu che, “müna kuñiwün-ngey” ka “feychi che küpa tukulelngenolu mollfüñ kidutu langümuwi” feypikefuyngün. Welu, rupalechi tripantu, femngechi rakiduamwelayngün. Kiñe dungu, 2004 tripantu mu, kiñe chillka nütramkakelu lawentun dungu mu feypi: “Fentren lawentun ñi elungeken pu Dungukelu Iney Ngen Jewba, küpalechi tripantu mu femngechi lawentungerpuayngün kom pu che”. * Kafey, 2010 tripantu mu kiñe lifru feypi tüfachi lawentun mu, chumngechi ñi operangeel pichin tiempu mu, ka femngechi operangeay duamngenon mu mollfüñ (Medicina transfusional).

Fentren medico wall Mapu mu, pünekey fillke lawentun ñi tukulelngenoal mollfüñ fütrake operacion mu. Fillalechi trokiñ mapu kütu pu medico pünekey tüfachi lawentun, ka fentren che koneltunolu taiñ feyentun mu dullikeyngün feychi lawentun.

^ parr. 8 Medicina transfusional, página 14; Transfusion and Apheresis Science, volumen 33, numero 3, pagina 349.

^ parr. 10 Revista Española de Cardiología, volumen 59, numero 5, pagina 507-509; Acta Médica Colombiana, volumen 26, numero 5, pagina 261; The Journal of Thoracic and Cardiovascular Surgery, volumen 134, numero 2, pagina 287 ka 288; Texas Heart Institute Journal, volumen 38, numero 5, pagina 563; Basics of Blood Management, pagina 2; Continuing Education in Anaesthesia, Critical Care & Pain, volumen 4, numero 2, pagina 39.

^ parr. 10 Revista de la Federación Argentina de Cardiología, volumen 34, numero 3, pagina 407 ka 408; Revista Española de Cardiología, volumen 60, numero 7, pagina 727-731.

^ parr. 14 Continuing Education in Anaesthesia, Critical Care & Pain, volumen 4, numero 2, pagina 39.