Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿feyentupeyngün may tati Antiguo Testamento mu?

Pu Dungukelu Iney Ngen Jewba, ¿feyentupeyngün may tati Antiguo Testamento mu?

May. Pu Dungukelu Iney Ngen Jewba rakiduamkeyngün kom ti Biblia “wiringey Ngünechen tañi adkünuel ka ñi piel mew, feymew rume kümey” (2 Timotew 3:⁠16). Tüfa feypingey tati Antiguo ka ti Nuevo Testamento. Pu Dungukelu Iney Ngen Jewba ñi pengelal petu ñi falin-ngen ti Antiguo Testamento, üytukefingün Ebrew Wirintukun, ka tati Nuevo Testamento üytukefingün Griego Wirintukun.

¿Chumngelu duamfalngey ti Antiguo Testamento?

Chaw Ngünechen ñi duam mu, ti apostol Pablo wirintukuy: “Kom tati kuyfi wirintukuelchi dungu ta Wirin Chillka mew, wirintukungey iñchiñ taiñ kimeltungeael” (Romanu 15:⁠4). Feymu lle, tati Ebrew Wirintukun niey falin-ngechi dungu taiñ kelluaetew. Tüfa mu müley falinke ngülam, falinke dungu rupalu kuyfi mu ka fillke dungu.

  • Falinke dungu rupalu kuyfi mu: Tati Ebrew Wirintukun mu küme pengeli Chaw Ngünechen ñi küme elkünufiel ti Mapu ka chumngechi tati pu che kulpafe chengerpuyngün. Tüfa kellukeeiñmew kimal taiñ tuwün ka chumngelu lakeiñ (Génesis 2:⁠7, 17). Ka femngechi tüfachi trokiñ Biblia mew pengeleiñmu chumngechi kuyfi mu Chaw Ngünechen kellufi tati pu che rupalu fillke dungu mu, iñchiñ reke (Santiaw 5:⁠17).

  • Falinke ngülam: Tati lifru Proverbios ka Eclesiastés müley ti Ebrew Wirintukun mu, tüfa niey fentren kümeke ngülam iñchiñ taiñ mongen famülke mew. Pengeleiñmu chumngechi ayüwküleal taiñ pu che (Proverbios 15:⁠17), küme duam mu ñi küdawal (Proverbios 10:⁠4; Eclesiastés 4:⁠6), ka chumngechi yenieal ñi mongen pu weche tañi ayüwküleal (Eclesiastés 11:⁠9–12:⁠1).

Kafey, kelluafeiñmew chillkatual Moyse tañi Ley dungu, mülelu tati wünenke kechu lifru Biblia mew. Pu inaniekefilu ta Jesus dikümtukulelaiñ taiñ inayal feychi Ley, welu tañi ngülam kelluafeiñmu taiñ ayüwkülerpual (Levítico 19:⁠18; Deuteronomio 6:⁠5-7).