Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿famentukepefingün may pu che koneltuwenolu tañi religion mu?

Pu Dungukelu Iney Ngen Jewba, ¿famentukepefingün may pu che koneltuwenolu tañi religion mu?

Femlay tati. Famentukelafiyiñ pu che dew fawtisangelu, welu amuldunguwenolu ka trawüwekenolu iñchiñ mu. Welu may ayüwün mu, kellukefiyiñ feychi che tañi weniyeafiel Chaw Ngünechen mu ka tañi wiñotual ti trawünche mu.

Kiñe Dungukelu Iney Ngen Jewba kulpale wemünentufemngekelay ti trawünche mu. Welu amulele ñi famentual Biblia ñi ngülam ka wiñorakiduamtunole, fey wemünentungekey, ka tati trawünche weniyewelafingün feychi che mu. Biblia küme feypikey tüfa: “Feymew llemay kiñe püle nentufimün ta tüfachi yafkafe [kulpanche] eymün tamün rangiñ mew mülelu” (1 Korintio 5:⁠13).

Kiñe wentru wemünentungelu ti trawünche mu, ¿chem dungu rupay tañi domo ka tañi pu yall pu Dungukelu Iney Ngen Jewba koneltulelu? Tüfa engün nütramkakelafingün Ngünechen ñi dungu feychi wemünentungelu, welu amuley ñi tutewküleal tañi reñmawen mu. Ti che wemünentungelu amuley ñi küme yewküleal tañi domo ka tañi pu yall kiñe reñmawen mu.

Tati pu wemünentungelu amuafuyngün taiñ trawün mu, ka ayüle ñi llowal pu longkolelu ti trawünche ñi kellun. Tati doy falin dungu, pu wemünentungelu ti trawünche mu wiño diturpuafingün ñi koneltuleal pu Dungukelu Iney Ngen Jewba mu. Tati pu wemünentungelu famentukefingün ti weda femün ka ayüle ñi inanieafiel Biblia ñi ngülam tañi mongen mu, wiño koneltuafuyngün tati trawünche mu.