Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿kiñe religion Evangelica ngepeyngün may?

Pu Dungukelu Iney Ngen Jewba, ¿kiñe religion Evangelica ngepeyngün may?

Femlay llemay. Pu Dungukelu Iney Ngen Jewba inaniekefiyiñ ta Jesus, welu kiñe religion Evangelica ngelaiñ.

Fentren pu che rakiduamkey: kom tati trokiñche famentukefilu ti feyentun ñi nieel ti Iglesia Catolica Romana, fey kiñe religion Evangelica tati. Rüfngey taiñ famentukefiel fentren dungu ñi feyentukeel tati Iglesia Catolica, welu kiñe religion Evangelica ngelaiñ. Peafiyiñ epu dungu pengelkelu tüfa:

  1. Fentren feyentun ñi nieel pu religion Evangelica chaftukefi Biblia ñi kimeltun. Kiñe dungu, ti Biblia kimeltukelay ta Chaw Ngünechen ñi koneltukeel Trinidad mu, welu may feypikey “kiñeley müten ta Ngünechen” (1 Timotew 2:⁠5; Juan 14:⁠28). Kafey tati Biblia kimeltukelay Chaw Ngünechen ñi kutrankamekefiel tati wedake che kiñe kütral mapu mew no rume, welu may apümkayafi fey tañi wiñomongetunoal engün (Salmo 37:⁠9; 2 Tesalonisense 1:⁠9).

  2. Iñchiñ ayükelaiñ norümafiel ti Religion Catolica kam kake religion no rume. Welu may doyümkeiñ amuldungual tati kümeke dungu küpalu Chaw Ngünechen ñi Ngünenien mu ka yafültukukefiyiñ tati pu che ñi maneluwküleal feychi kümeke dungu mu (Matew 24:⁠14; 28:⁠19, 20). Ayükelaiñ norümafiel kiñe religion no rume, welu may kimeltulelafiel tati pu che küme piwkengelu tati rüf dungu Biblia mu ka Ngünechen mew (Kolosense 1:⁠9, 10; 2 Timotew 2:⁠24, 25).