Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿eluwkeyngün am ñi lawentungeal?

Pu Dungukelu Iney Ngen Jewba, ¿eluwkeyngün am ñi lawentungeal?

May, pu Dungukelu Iney Ngen Jewba eluwkeiñ taiñ lawentungeal ka putukeiñ lawen. Kafey kuñiwtukuwkeiñ taiñ kutran-noal, welu kiñeke mu duamnieiñ kiñe medico (Luka 5:⁠31). Tati kristiano Luka mülerkefulu wünen siglo mu, fey reke fachantü kiñeke Dungukelu Iney Ngen Jewba lawentuchefengeyngün (Kolosense 4:⁠14).

Pu Dungukelu Iney Ngen Jewba kiñe pülekünufingün kom ti lawentun ñi chaftukefiel Biblia ñi dungu. Kiñe dungu, tati Biblia werküeiñmew taiñ ngünewküleal mollfüñ dungu mu, feymu tukulelngekelaiñ mollfüñ (Hecho 15:⁠20, Traducción del Nuevo Mundo). Kafey tati Biblia eluñmakelaeiñmew taiñ lawentungeal kalku dungu mu nüwkülelu (Galata 5:⁠19-21).

Epe kom tati lawentun dungu chaftukelafi Biblia ñi dungu. Feymu kidutu dulliafuiñ chumngechi taiñ lawentungeal. Fey kiñe Dungukelu dulliafuy kiñe lawentun dungu kakelu ñi llowkenoel (Galata 6:⁠5).