Fentren pu che trokikefingün ti kürus adentulelu tati kristiano ñi religion. Welu iñchiñ kristianongeliyiñ rume duamkelaiñ ti kürus ka püramyekelafiyiñ rume. ¿Chumngelu am?

Wüne, tati Biblia kimeltukey Jesus ñi langümngenon kiñe kürus mu, welu may kiñe orkon mamüll mew. Biblia mu ti griego dungu rulpadungungekelu “kürus” mu, fey küpa feypi “orkon kam mamüll nor witralelu” (Hecho 10:39, Traducción del Nuevo Mundo). Kafey Biblia küme werkükefi tati pu kristiano: “Famtripamün tati pu adentun” ñi poyengekeel, fey tüfa poyenoafiel ta Chaw Ngünechen kürus mu (1 Korintio 10:14; 1 Juan 5:21).

Ka femngechi Jesus feypi: “Fey welukonkechi piwkeyewülmün, kom mapu mew mülechi pu che kimayngün iñche tañi disipulungen ta eymün” (Juan 13:34, 35). Kiñe che re poyefilu am ta Ngünechen kürus ka kakelu adentun mew feypingelayafuy ñi rüf kristianongen, welu may kimfali tüfa tañi welukonkechi piwkeyewün mu.