Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿chumngelu koneltukelayngün weychan mu?

Pu Dungukelu Iney Ngen Jewba, ¿chumngelu koneltukelayngün weychan mu?

Pu Dungukelu Iney Ngen Jewba koneltukelay weychan mu, ¿chumngelu am?

  1. Inaniekeyngün Chaw Ngünechen ñi werkün dungu. Tati Biblia feypikünuy chem ñi chumal tati pu poyekefilu ta Chaw Ngünechen: “Tañi fütra kuchillu, ta araw ngetuay” ka “kimwelayayngün weychan” (Isaías 2:⁠4).

  2. Inaniekeyngün Jesus ñi werkün dungu. Jesus werküfi tati apostol Pedro tüfachi dungu: “Üchaftukutunge tami wayki chew tami niekefimum. Kom tati langümchekelu ta wayki mew, ka femngechi langümngeay ta wayki mew” (Matew 26:⁠52). Femngechi, Jesus pengeli tañi pu inanieetew ngelay ñi weychayal.

    Kafey Kristo werküfi tañi pu inanieetew ñi koneltunoal “Mapu tuwün pu che mew”. Ñi inanieafiel tüfachi werkün dungu, reyükonkelayngün chem politiko dungu no rume (Juan 17:⁠16, Traducción del Nuevo Mundo). Ka femngechi trawüluwkelay kakelu che engün tañi chaftuafiel pu soltaw ñi femkeel, ka katrütukelafingün iney no rume ñi koneltual ejercito mu.

  3. Piwkeyekefingün tañi chafche. Jesus werküfi tañi pu inaniekeetew tañi “welukonke piwkeyewael” (Juan 13:⁠34, 35). Kidu engün wall Mapu püle müley, ka kiñe reñmawen reke yewkeyngün, feymu turpu welukentu weychakelay (1 Juan 3:⁠10-12).

  4. Tati wünenke kristiano koneltukelafuy weychan mu. Jesus kimeltulelfi tañi pu inanieetew ñi pengelal piwkeyen itrokom dungu tañi mongen mu, ka piwkeyeafiel tañi pu kayñe kütu. Feymu tati wünenke kristiano weychakelafuyngün ka koneltukelafuyngün servicio militar mu, kimnielu am tüfachi dungu ñi chaftukefiel Jesus tañi kimeltun, feypi tati lifru Encyclopedia of Religion and War. Kafey kiñe lifru feypi ñi rakiduamfalngenon Jesus ñi pu inanieetew ñi soltawngeal petu ñi kristianongen mu (Historia de la decadencia y caída del Imperio romano, Edward Gibbon).

Kellukeyngün kom pu che ñi küme feleal

Pu Dungukelu Iney Ngen Jewba femkelay chem dungu no rume ñi wedalkayafiel tañi trokiñ mapu, welu may tañi femkeel mu kellukeyngün ñi küme feleal. Yamniekeyngün tati pu awtoridadkülelu, femngechi inakeyngün Biblia ñi werkün dungu.

  • “Itrokom che feley ñi yamnieafiel tati mülechi pu awtoridad” (Romanu 13:⁠1).

  • “Elufimün tati emperador kisu tañi koneltuleel, ka elufimün ñi koneltuleel ta Ngünechen” (Matew 22:⁠21).

Feymu, inakefiyiñ tati ley dungu, kullikefiyiñ impuesto, ka inakefiyiñ ti dungu ñi femkeel tati awtoridad ñi küme feleal tati pu che.