May. Kom pu Dungukelu Iney Ngen Jewba chew rume müleliyiñ, newentukeiñ taiñ eluwküleal ñi amuldungual ka rumel pepikawküleiñ ñi nütramkayal Biblia ñi dungu (Matew 28:19, 20, TNM).

Kafey, kiñeke Dungukelu Iney Ngen Jewba amukeyngün ñi amuldungual kam kiñeke wiñamtuwingün ka lof kidu ñi trokiñ mapu mu, chew müley fentren che petu ñi allkütunon tati kümeke dungu mülelu Biblia mu. Ka femngechi kakelu wiñamtuwingün ka trokiñ mapu mu. Kom engün ayüwün mu koneltukeyngün feychi pelon dungu ñi feypiel Jesus: “Tamün nütramyemuafiel ta iñche [...] ka fütra kamapu amuaymün tuntepu ñi mülen ta mapu” (Hecho 1:8).

1943 tripantu mu elkünugey “Kalad pingechi Biblia Chillkatuwe”, ñi pepikayafiel pu werküngelu amuldungual ka mapu mu. Fantepu mu, doy pura warangka Dungukelu Iney Ngen Jewba dew amuyngün tüfachi chillkatuwe mu.