Tati apostol Pablo 1 Korintio 6:​1-8 mu, feypi chumngechi kümelkawtual pu peñi ka pu lamngen mülele yafkawün ti trawünche mew. Wünelu mew feypi ñi lladkülen, kiñeke feyentulelu Korinto waria mu amukelu am “feyentulenochi che mew tañi adkünulelaetew ñi dungu” (versikulo 1). Fey wüla küme feypi chumngelu tati pu kristiano mülelay ñi wingkantukuafiel tañi peñi kam lamngen mülele yafkawün, welu may müley ñi kümelkawtual chumngechi ñi feypingeel tati pu trawünche. Fewla inaduamaiñ kiñeke dungu ñi feypiel tañi wirielchi karta mew Jewba ñi duam mew, fey ka inaduamaiñ chem dungu mew koneltulelay tati apostol ñi wülfielchi ngülam.

Pu kristiano nieliyiñ yafkawün negosio ñi duam mew kam müntun mapu mew, Jewba ayüley taiñ kümelkawtual inaniefiel mu kidu tañi ngülam, inanoafiel taiñ rakiduam (Prover­bios 14:12). Chumngechi ñi feypiel ta Jesus, doy kümey taiñ pürüm kümelkawtual, femngechi ñi doyelnoal ti dungu (Matew 5:​23-26). Feymu müna weda, kiñeke kristiano ñi eluwkülen tañi chaftuafiel ka ñi wingkantukuafiel. Ti apostol Pablo feypi: “Ñi mülen mew yafkawün dungu eymün mew, ¡rume wesa dungu tati!”. ¿Chumngelu? Tati doy weda dungu, yafkawün ñi duam mew weda dunguyengeafuy Jewba ka tati trawünche. Feymu ñi rupanoal tüfachi dungu, Pablo ngülamtuy: “¿Doy kümepelayafuy may ñi duamkünungenoael ti wesa dungu?” (versikulo 7).

Pablo ka feypi Chaw Ngünechen ñi elkünufiel chumngechi taiñ kümelkawtual mülele yafkawün, ka tüfa rume kellukey. Ti trawünche mew tati pu longkolelu kimchengerpuyngün ñi kimniefiel mu tati rüf dungu mülelu Biblia mew, feymu pepikawküleyngün, tüfa engün am “kim adkünudungulu mülele yafkawün dungu” ñi “adkünuafiel tüfachi mongen mew müleyekechi dungu” (versikulo 3-5). Kafey Jesus feypi taiñ femal küla dungu kiñe che weda kulpale iñchiñ mew, dallukaeliyiñmu, ngünenkaeliyiñmu, kam kangelu rume weda dungu femeliyiñmu. Wünelu trür kidulen mu müley taiñ nütramkawal  taiñ ­kümelkawtual; fey küme tripanole, ka rupa nütramkawafuiñ, welu kiñe ka epu che taiñ kompañnieaetew; fey tüfa küme tripanole, kintuafiyiñ taiñ kelluaetew pu longkolelu tüfa engün am dunguñpekefilu ti trawünche (Matew 18:​15-17).

Feley, tati pu longkolelu abogawkülelayngün ka adümkelayngün ti negosio dungu, ka tañi longkolen mu wülkelayngün ngülam ti negosio mew kam ley dungu mew. Ka elkünulayayngün chem dungu mew ñi kümelkawtual epu peñi kam lamngen niele yafkawün negosio ñi duam mew kam ñi müntun mu ti mapu. Welu may kellukefingün tati pu yafkawlu ñi inayafiel Biblia tañi ngülam ñi kümelkawtual tüngkülen mu. Küdawngele ti rupachi dungu, ramtuafuyngün ñi kelluaetew tati witran-ngepakechi longkolelu, kam tati pu Dungukelu Iney Ngen Jewba ñi ngünenieelchi ruka. Welu Pablo tañi wülfielchi ngülam kiñeke dungu mew koneltulelay, peafiyiñ kiñeke.

Ti elkünufilu kiñe demanda feypingelayafuy tañi kintukeel ñi kümelkawal müten. Kiñeke mu tati ley dungu feypikey ñi femal tüfa kam duamfalngey kiñe demanda ñi kümelkawtual tüngkülen mu. Duamfalngeafuy ñi wüdawal ti kurewen, ñi elungeal tañi dapiafiel ti pichikeche, elkünual tunte ñi kulliaetew tañi afkadi püntüwle engu, tañi llowal kiñe seguro, kam elungeal plata fente puwle ti empresa ñi weda tripan mu, kam ñi pengelal ñi rüfngen kiñe testamento. Kafey kiñe kristiano tukungele kiñe demanda mew, tañi ingkañpewal ka elkünuafuy kiñe demanda. *

Kiñe kristiano amule tribunal mew, chaftulayafuy ñi küpa feypiel Pablo, Jewba ñi duam mew, welu ngelay ñi kintual tañi chaftuafiel müten. * Ngoymalayaiñ chem dungu taiñ doyüm­niekefiel: ñi püramyengeal Jewba ñi üy, ka ñi tüngküleal ka kiñewküleal ti trawünche. Inaniefilu am iñchiñ ta Jesus, müley ñi küme kimfalküleal taiñ piwkeyewün, tüfachi piwkeyewün “chekawünngelay” (1 Korintio 13:​4, 5; Juan 13:​34, 35).

^ parr. 2 Rupayafuy chi, kiñe kristiano ñi rume wedalkayefiel kiñe peñi kam lamngen, nüntukafile, kewatufile, langümfile kam fütra weñefile, fey wedalkalayafuy ñi amual tati pu awtoridad mew, tripale rume kiñe juicio feychi dungu mu ñi multangeal kam ñi tukungeal karsel mu.

^ parr. 3 Tami doy kimal, inaduamnge La Atalaya, 15 konchi marzo 1997, pagina 17-22, ka 15 konchi octubre 1991, pagina 25-28.