¿Chem piafuymi eymi . . .

  • ...kiñe wingka ñi lifru ngen?

  • ...koylake nütram niepey may?

  • ...kam Chaw Ngünechen ñi Dungu?

 BIBLIA ÑI FEYPILEN

“Kom tati wirikonkülechi dungu ti Wirin Chillka mew wiringey Ngünechen tañi adkünuel ka ñi piel mew.” (2 Timotew 3:16, Ngünechen ñi Küme Dungu.)

CHUMNGECHI KÜMELKAYAFEYMU

Küme wiñoldungukey tati doy falinke ramtun dungu nieel tami mongen mu (Proverbios 2:1-5).

Niey falinke ngülam tami kümelkaleam fill antü mu (Salmo 119:105).

Rüf maneluwün tami nieal küpalechi antü mu (Romanu 15:4).

 ¿RÜF FEYENTUPEAFUIÑ MAY CHEM PIN TA BIBLIA?

May, müley küla dungu:

  • Chumkawnorume welulkawkelay. Ti Biblia wirintukungey kiñe warangka kayu pataka tripantu mu chi, ka meli mari wentru chi wirintukuyngün. Epe kom tüfachi wentru welukentu kimuwkelafuyngün rume, welu tati Biblia welulkawkelay, ka kiñe dungu müten inaniey.

  • Rüf piwke mu feypingün tati pu wirintukulu. Tati pu wirintukulu chi Biblia ellkalayngün kidu ñi wedake femün, ka tañi pu che ñi wedake femün no rume (2 Crónicas 36:15, 16; Salmo 51:1-4). Welu tati pu wirintukulu kakelu lifru ellkakeyngün kütu tañi pu che ñi wewngen engün.

  • Tañi pu pelon dungu rumel wechurpukey tañi piel. Tati Biblia feypikünuy petu ñi choyüngenon Kristo doy regle pataka tripantu mu, ñi choyüngeal Belen pichi waria mülelu Judea mapu mu (Miqueas 5:2). Feymew, ¿chew choyüngey Jesu? ¡Belen waria mu llemay! (Matew 2:1-6).

Kakelu pelon dungu mülelu Biblia mew wechurpukey, kom ñi feypin mu. Femngechi llemay feley ñi femal Ngünechen ñi Dungu, ¡rüfkünu llemay! (2 Pedro 1:21).

 RAMTUWNGE

¿Chumngechi kelluafenew Ngünechen tañi Dungu?

Peaymi wiñoldungun Biblia mew ISAÍAS 48:17, 18 ka 2 TIMOTEW 3:16, 17.