¿KIMIMI chem ñi chillkatumeken tüfachi pichi (püchü) malen ka tañi pu weni? May, tüfachi lifru eymi tami chillkatumekeel... Tañi lifru Biblia nütram nielu. Ka chillkatumekey engün tüfachi nütram feypilelu... “Chumngechi afnoachi mongen nieafuyiñ.”

¿Kimimi chem ñi kimken engün? Wüne, müley ñi kimafiel Jewba ka ñi Fotüm Jesu ñi afnoachi mongeleal. Biblia feypi: ‘Tüfachi rüpü yey afnoachi mongen. Kimnge ti kiñen rüfngechi Ngünechen, ka tañi Fotüm Jesukristo.’

¿Chumngechi kimafuyiñ Chaw Ngünechen Jewba ka tañi Fotüm Jesu? Kiñe dungu müley tami papiltuafiel kom tati lifru Tañi lifru Biblia nütram nielu mu. Ti lifru rume (mütre) nütramyefi ta Jewba ka Jesu, ¿feyngelay? Ka rume nütramyefi kom ti dungu ñi femün ka ñi femal engu. Welu, ¿müley taiñ papiltuafiel tüfachi lifru müten? Felelay, müley taiñ femal ka dungu.

¿Peniefimi kangelu lifru miñchelelu? Feyta Biblia tati. ‘Papiltulen’ piafuymi kakelu che ti pu trokiñ Biblia, chew tuwi tüfachi lifru ñi nütram. Chi Biblia elukeeiñmew kom ti kimelün dungu taiñ duamnien ñi nor poyeafiel Jewba, ka diturpual afnoachi mongen. Feymu lle müley taiñ nieal ti wimtun taiñ rume papiltuafiel chi Biblia.

Welu taiñ kimafiel Chaw Ngünechen Jewba ka Jesukristo, fey müten ngelay. Doy kimafuyiñ fey engu mu ka ñi kimeltuken engu rume, welu diturpulayafuyiñ afnoachi mongen. ¿Kimimi ka chem taiñ duamnieel?

Ka müley taiñ femal taiñ mongen mu chumngechi tañi kimelngeken. ¿Tukulpaniefimi Juda Iskariote? Feychi wentru feyta kiñe tati pu mari epu wentru Jesu dulliel (ngümintuel) ñi apostol ngeal. Juda rume kimfuy ta Jewba ka Jesu. Welu, ¿chumi? Mülen antü mu kidu ñi rakiduam inay, ka ngünenkafi ta Jesu küla mari moneda plata mu. Juda llowlayay ti afnoachi mongen.

¿Tukulpanieymi Geasi pingechi wentru, fey pichin kimfiyiñ ti kayu mari aylla Nütram mu? Kidu ayüy (küpa) ñi nieafiel kake che takun ka plata. Koylatuy tañi nieal tüfachi chemkün, fey mew Jewba kastigaeyew. Iñchiñ feyentunofiliyiñ (müngeltunofiliyiñ) tañi ley dungu, ka kastigayaeiñmew.

Welu müley fentren che ñi rumel (turpu) poyekefiel Jewba, püntüwkenolu. Ayüfuyiñ taiñ inayentuafiel, ¿felelay? Ti pichi wentru (püchü kampu) Samuel ñi küme femün inayentufali. Tukulpafimi chumngechi pefiyiñ ti kechu mari kechu Nütram, kidu niefuy meli kam kechu tripantu müten llitulu (ellakamu) ñi poyefiel Jewba ñi tolto ruka mew. Feymu lle, weche ngeymi rume, doy weche ngelaymi tami poyeafiel Jewba.

Feley, kom ayünieiñ taiñ inayafiel Jesukristo. Pichikalu rume (püle), chumngechi pengeli ti pura mari regle Nütram, mülepulu ti ngillatuwe ruka mu nütramkamekefi kakelu pu che tañi wenu Chaw ñi dungu. Ñi femün inayentufiyiñ. Nütramkafiyiñ kom tati pu che peliyiñ taiñ afmatufalchi Chaw Ngünechen Jewba, ka tañi Fotüm, Jesukristo. Femliyiñ kom tüfa, rumel mongeleafuyiñ Ngünechen ñi we rumel mülewe tüfachi Mapu mew.