TÜFACHI adentun pengeli kiñe küme rumel mülewe, Ngünechen pengelelfilu chi ñi pelon wentru Isaia. Pichin (püchün) antü wüla Jona mu, mongey ta Isaia.

Kiñe küme rumel mülewe chempifel “tuten-ngechi malaltükulechi rayen” ka “tutelu anümkawe”. Tüfa mu mi peel, ¿tukulpaymi kiñe dungu dew mi pefiel tüfachi lifru mew? Feley, ti tuten-ngechi malaltükulechi rayen, Ngünechen dewmalelfi Adan Eva engu, ¿fey ngey? Welu, ¿itrokom Mapu mu feleay?

Jewba feypifi ñi pelon wentru Isaia ñi wirintükual ti küpalechi we küme rumel mülewe mu, Ngünechen ñi pu che mu. Feypi: ‘Pu lofo ka pu ufisa trür müleay tüngün mu. Pichike waka ka pichike trapial trür iayngün, ka pichike che ngüneytuaeyew. Ka we püñeñ kütu, awkantuay inaltu kiñe fünapue (fenenungechi) filu ñi allfüñnoaetew.’

‘Fey tüfa turpu femlayay’, piafuy fentren che. ‘Rume wedake dungu müley tüfachi mapu mu, ka rumel müleay.’ Welu rakiduamnge, ¿chem mülewe elufi Jewba ta Adan Eva engu?

Ngünechen elkünufi ta Adan Eva engu kiñe küme mülewe mu. Feyentulafi (müngeltulafi) engu Ngünechen, feymew ñamümi engu ñi tuten-ngechi mülewe, füchatuyngu ka layngu. Ngünechen feypikünuy kom ñi piwkeyenieetew eluafi kom kümeke dungu Adan Eva ñi ñamümel engu.

Ti küpalechi we küme rumel mülewe, iney no rume wedalkamekelayay, ka apümlayay rume. Afnoachi tüngün müleay. Itrokom pu che küme felen ka ayüwkülen nieay, chumngechi Ngünechen ayüniefuy wünetu mu. Fey wüla kimayiñ chumngechi Ngünechen femay tüfa.