Jesus feypi: “Eymün ta re elungeymün [...]. Ka femngechi re wülafimün” (Mt 10:8). Iñchiñ inaniekeiñ feychi werkün dungu, feymu kofrakelafiyiñ pu che taiñ elufiel kiñe Biblia kam fillke papil (2Ko 2:17). Welu, feychi fillke papil kimeltukey falinke dungu Biblia mew. Feymu ñi nentuwiringeal ka werküngeal wall Mapu püle duamniengey küdawal ka elual plata. Feymu, yenge tami duamnieel müten.

Müley tami küme ngüneduamal elufilmi pu che taiñ fillke papil, ka amuldungulmi chew ñi rupameken alünke che (Mt 7:6). Newentuaymi tami nütramkayafiel pu che, femngechi kimaymi tañi duamniefiel ti papil, ngelay tami ngünam eluafiel müten. Inaduamfilmi ti ramtun müleyelu ti wichulechi dungu mu, ¿“may” wiñoldunguafuymi? Müte kimtukunolmi pu che ñi rüf duamkülen, doy kümeafuy tami eluafiel kiñe pichi papil. Welu may, pu che feypielmu: “Eluafen kiñe chillka kam papil”, fey ayüwünkechi eluafimi llemay (Pr 3:27, 28).