Pablo ka Silas püresulelu püramyefi ta Chaw Dios ülkantun mu (Hch 16:25). Famülke mu, kiñeke peñi kam lamngen ülkantulelfi ta Chaw Ngünechen püresulelu engün Sachsenhausen lof Alemania nazi mu kam yengelu Siberia mew. Tüfa pengeli fente ñi yafültukukefiel ti ülkantun pu kristiano weda rupamekelu.

Fentren kewün dungu nieay ti we ülkantun lifru Ayüwün mu ülkantulelafiyiñ ta Jewba. Nieliyiñ ti we ülkantun lifru, müley taiñ adümkantual poyefiliyiñ ta Ngünechen reñmawen mu, femngechi küme longkontukuafiyiñ (Ef 5:19). Fey Ngünechen ñi newen, kelluaeiñmu ñi rakiduamtukual ti ül chaftuliyiñ wedake dungu. Ülkantulelafiel ta Chaw Dios kellunieeiñmu ñi piwkentukual taiñ maneluwün, ka yafültukukeeiñmu kutrankawliyiñ. Ka küme duamküleliyiñ rume, ti ül kelluaeiñmu ñi pengelal ülkantun mu taiñ ayüwkülen (1Cr 15:16; Sl 33:1-3). Newentuaiñ taiñ nentual kümeke dungu tüfachi ülkantun mu.

PEFINGE TI VIDEO KIÑE ÜL YAFÜLTUKUFILU PU PÜRESULELU, KA WIÑOLDUNGUNGE TI MÜLEYECHI RAMTUN:

  • ¿Chem dungu yafültukufi taiñ peñi Frost ñi entual tañi ül?

  • Tati ül, ¿chumngechi kellufi pu peñi püresulelu Sachsenhausen mu?

  • Tami mongen mu, ¿chumngechi ti ül yafültukukeeymu?

  • ¿Chem ül küpa longkontukuymi?