Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TROKIÑ 8

Weda dunguñmaliyiñ

Weda dunguñmaliyiñ

“Rume [mütre] ayüwküleymün ta eymün, tunte kiñeke mew rupallefuymün rume fill wesake kutrankawün dungu mew” (1 Pedro 1:6)

Newentulmi rume tami nieal kiñe ayüwün-ngechi kurewen ka reñmawen, welu kiñeke mu fillke weda dungu rupakeymün, feymew doy küdawngey tamün ayüwküleal (Eclesiastés 9:11). Welu Ngünechen kellukeeiñmew rupaleyüm wedake dungu mu. Feymew inafilmi tüfachi kümeke ngülam mülelu Biblia mu, yafültukuaeymu eymi ka tami reñma (pu che) rupale doy kutrankawün dungu.

 1 MANELUWNGE TA JEWBA MU

BIBLIA TAÑI FEYPILEN: “Elkünumün Ngünechen mew kom tamün fill rakiduamelnieetewchi dungu, kisu am ta piwkeyenieetew ta eymün” (1 Pedro 5:7). Rumel (molkechi) tukulpange Chaw Ngünechen wülkelay wedake dungu (Santiaw 1:13). Fülkonülmi kidu mu, doy küme kelluaeymu (Isaías 41:10). “Kidu ñi adkiñ mu nülapüdümentumün tamün piwke.” (Salmo 62:8.)

Ka yafültukuaeymu papeltufilmi ka ngüneduamfilmi chem pin ta Biblia fill antü. Femülmi, rüf peafimi ta Jewba ‘ta yafültukuaeiñmew kom taiñ kutrankawün mu’ (2 Korintio 1:3, 4; Romanu 15:4). Kidu feypikünuy “Ngünechen tamün eluetewchi küme tüngün yafülnieñmayaeymünmew [...] tamün rakiduam” (Filipense 4:6, 7, 13).

TAMI FEMAFEL:

  • Ngillatufinge ta Jewba tami kelluaetew tami tüngküleal ka küme rakiduamal

  • Inaduamnge kom dungu tami dullial (ngümintual) chuchi tañi doy kümen

2 DAPIFINGE TAMI REÑMA KA EYMI

BIBLIA TAÑI FEYPILEN: “Tati ngüneduamkelu ñi piwke lloway kimün, ka tati kimche ñi allkütun mu newentuy ñi peal kimün” (Proverbios 18:15). ¿Chem duamniey kiduke tami reñma (pu che)? Inaduamnge kom tati dungu. Nütramkafinge ka allkütufinge fey engün (Proverbios 20:5).

¿Chem dungu rupakey layüm kiñe piwkeyen che? Yewekilnge tami ngümayal. Tukulpange Jesu ka “ngümay” (Juan 11:35; Eclesiastés 3:4). Feymew doy küme duamaymi tami küme ürkütual ka umawtual (Eclesiastés 4:6). Femngechi doy küdawngelay tami chaftuafiel ti weda dungu.

TAMI FEMAFEL:

  • Petu ñi weda dunguñmanon, müley tami nütramkawal tami reñma engün. Femngechi, rupale kiñe weda dungu doy küdawngelayay tami nütramkangeal

  • Nütramkafinge tati pu che ka feychi dungu ñi rupan

 3 KINTUNGE TI KELLUN TAMI DUAMNIEEL

BIBLIA TAÑI FEYPILEN: “Kiñe rüfngechi kompañ rumel [molkechi] piwkeyechengey ka choyüngey [llegi] kiñe peñingeal reke weñangkün mu” (Proverbios 17:17). Tami pu weni rüf ayüy tami kelluaetew, welu kimlayngün chi, chumngechi ñi femafel. Feymew feypifinge chumngechi tami kelluaetew (Proverbios 12:25). Kafey, kintunge tati pu che adümnielu Biblia ñi kimün tami chumngechi kelluaetew ñi yenieafel tüfachi kümeke ngülam mülelu Biblia mu. Tüfachi kümeke ngülam tami elungeel rüf kelluaeymu tami amuleal (Santiaw 5:14).

Rumel (molkechi) trawülmi tati pu che nielu rüf mupiltun ka maneluwün Ngünechen tañi feypikünun mu, femngechi nieaymi tami kelluaetew tami duamnieel. Ka kellufilmi kakelu che weñangkülelu, feyta rume (mütre) yafültukuaeymu. Nütramkafinge tami mupiltun ta Jewba mew ka ñi feypikünun. Küdawküleaymi tami kelluafiel kakelu che, ka kiñeñpüle tripakilnge tati pu che tami piwkeyeetew ka duamtunieetew (Proverbios 18:1; 1 Korintio 15:58).

TAMI FEMAFEL:

  • Nütramkafinge kiñe küme weni ka eluwnge tami kelluaetew

  • Rüf piwke mew, nütramkafinge chem tami duamnieel