Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TROKIÑ 3

Chumngechi tañi norümal tati wedake dungu

Chumngechi tañi norümal tati wedake dungu

“Eymün mew ta mülepe welukonkechi piwkeyewün, tati piwkeyewün am wiñoduamatukelu ta fentren yafkan.” (1 Pedro 4:8)

Kiñe wentru ka kiñe domo kureyewlu, fillke wedake dungu mu rupakey, tuwlu kake rakiduam nielu ñi mongen mu ka chumngechi tremün-ngeyngu. Kiñeke mu, rupakey fillke wedake dungu koneltulenolu kurewen mu, ka kañpüle küpachi dungu akukey ñi mongen mu.

Kiñeke mu, doy kümeafuy ñi femkünual femngechi müten ti dungu, welu tati Biblia ngülamtukey ñi chaftuafiel (Matew 5:23, 24). Feymu inaniefilmi tati kümeke ngülam nielu ta Biblia küme tripayay tami dungu.

 1 NÜTRAMKANGE TI WEDA DUNGU

BIBLIA TAÑI FEYPILEN: “Müley [...] kiñe antü ñi dungual” (Eclesiastés 3:1, 7). Elnge kiñe antü tami nütramkawal ti wedake dungu tami kompañ engu, feypifinge kom tami piwke mu ñi chumlen ka chem rakiduamkey chi dungu mu. Ka feypifinge re rüf dungu mew (Efesio 4:25). Welu illkulelmi (lladkülelmi), witrantukuwnge tami kewanoal (nalnoal). Kiñe tüngkülechi wiñoldungun (llowdungun) katrütuafuy kiñe pichi weda dungu ñi doy wedalkalerpual (Proverbios 15:4; 26:20).

Kiñewkülenolmi tami kompañ engu kiñe rakiduam mu, elkünulayaymi tami ayüwünkechi dungual; amulepe tami pengelal tami piwkeyewün ka tami yamüwün (Kolosense 4:6). Ka pürüm (pür) newentuaymi tami norümal chi dungu, ka müley tamu rumel (molkechi) nütramkayal (Efesio 4:26).

TAMI FEMAFEL:

  • Elnge antü tami dungual feychi weda dungu tami kompañ engu

  • Tami kompañ dungumekele, katrütudungulayafimi ñi feypin. Ka puay eymi tami dungual

 2 ALLKÜTUNGE KA NGÜNEDUAMNGE

BIBLIA TAÑI FEYPILEN: “Welukonkechi [welukechi] piwkeyewmün [...] illamtulayafimün ta kakelu pu che ka epuñpüle yamniewaymün” (Romanu 12:10). Doy faliy tami küme allkütuafiel ka ngüneduamafimi tami kompañ ñi feypin, “kiñe küme rakiduam mew ka piwkeyewmün kiñe peñiwen reke”, ka “nieaymün ñom piwke” (1 Pedro 3:8, Santiaw 1:19). Allküfaluwkilnge tami kompañ. Nütramkaelmew, elkünunge tami chummeken ka elnge antü tami küme allkütual ka ramtuafimi tami kompañ pepi nütramkayafuy fey wüla. Penge tami kompañ tamu trür ngen, kayñe trokikilfinge, femngechi pürüm (pür) lladküfemkelayaymi (Eclesiastés 7:9).

TAMI FEMAFEL:

  • Ayünolmi rume (mütre) tami feypingen, müley tami allkütual

  • Ngüneduamnge tati dungu ñi feypingen. Leliwülfinge chumngechi künuwi ñi ange tami kompañ ka chumngechi tañi dungun

3 AMULEPE TAMI YAFÜLUWKÜLEN

BIBLIA TAÑI FEYPILEN: “Kom fillke küdaw nieay kümelkan, welu tati ngünam dungumekelu filla dungu reke yenieay” (Proverbios 14:23). Re rakiduamal tamu chumal, feyka müten no. Rume falin-ngey tamu inayal tamu dullin. Kiñeke mu, rume küdawniekeafuy chi, welu doy kümeay tamu femal (Proverbios 10:4). Trür (trir tripa) küdawülmu, nieaymu “kiñe küme kümelkan” (Eclesiastés 4:9).

TAMI FEMAFEL:

  • Rakiduamnge chem dungu tamu femal ñi norümafiel ti weda dungu

  • Kiñeke rupa, ngüneduamaymu tunten (chumten) doy küme amulen tamu kurewen-ngen