Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TROKIÑ 5

Chumngechi ñi küme yewküleal pu reñma mu

Chumngechi ñi küme yewküleal pu reñma mu

“Mongelemün may [...] tamün küme piwkengeael, ka ñom piwkengeael, tamün lef lladküfemnoael ka ngenoafeluwünngeael” (Kolosense 3:12)

Kiñe we kurewen mu, we reñma tripakey. Chumkawnorume ngoymalayaymi (moymal-layaymi) tami piwkeyefiel ka yamniefiel tami chaw ka ñuke, welu fewla tami kompañ nieel doy falin-ngetuy tami mongen mu ka chem dungu mu rume. Kiñeke pu reñma küdawtukey chi ñi llowafiel tüfachi we kurewen. Welu tati kümeke ngülam mülelu Biblia mu, kelluaeymu tami nieal tüngün tami reñma engün. Ka femngechi tamu kurewen yafüluway.

 1 PIWKEYEFINGE TAMI REÑMA, WELU DOYÜMNIEAFIMI TAMI KUREWEN

BIBLIA TAÑI FEYPILEN: “Yamniefinge tami chaw ka tami ñuke” (Efesio 6:2). Tunten (chumten) tripantu rume nieelmi, welu duamfalngey eymi tami yamnieafiel tami chaw ka ñuke. Welu tukulpange tami kompañ, ka duamniey ñi pemeafiel ñi chaw ka ñi ñuke engu. “Fey tati nielu piwkeyechen [...] nielay ütrirchen”, femngechi tami kompañ niele küme tutewkülen tañi reñma engu, mülelay tami rakiduamküleal tami kurewen kuñiwtukun mu müley (1 Korintio 13:4; Galata 5:26).

TAMI FEMAFEL:

  • Feypikelaymi tüfachi dungu: “Tami reñma rumel (molkechi) weda dungukeenew” kam “Tami ñuke turpu (kiñechi no ume) ayüwkelay tañi femken”

  • Yafüluwnge tami peal ti dungu chumngechi pekefi tami kompañ

 2 ELFALKÜNUWNGE TAMI KUREWEN MU

BIBLIA TAÑI FEYPILEN: “Feymew ta wentru elkünuay ñi chaw ka ñi ñuke fey tañi trawüael ñi kure engu, fey mür kiñe che reke müten ñi feleael” (Génesis 2:24). Eymi nielmi tami kompañ, welu tami pu chaw rakiduamkeyngu petu müley ñi koneltuleal tami mongen mew, feymew ayüyngu ñi kelluntukual tami kurewen mu koneltunoafulu rume.

Eymi ka tami kompañ müley tamu küme dullial (ngümintual) chew pual tamu pu chaw ñi kellun, feymew nütramkafilmu müley tamu dunguafiel piwkeyen mu. Duamfal-lay kiñe weda pin, müley tami rüf dunguafiel (Proverbios 15:1). Feymew ti ñom piwke, ngünewün ka ngenoafeluwün kelluaeymumew tamu küme tutewküleal tamu reñma engün ka ñi amuleal welukechi “küme duamtuniewaymün ta piwkeyewün mew” (Efesio 4:2).

TAMI FEMAFEL:

  • Rakiduamkülelmi tami pu reñma mew, rume (mütre) koneltumeken tamu mongen mu, tüngkülen mu dungufinge tami kompañ tüfachi dungu mu

  • Trür (trir tripa) müley tamu dungual chumngechi yenieaymu tüfachi dungu