Amual ti dungu

Pu Dungukelu Iney Ngen Jewba

Dullial kewün dungu mapudungun

¿Chem rakiduamkeymi ñi rupayal küpalechi antü mu?

¿Chem rakiduamkeymi ñi rupayal küpalechi antü mu?

¿Müleyechi dungu Mapu mu . . .

  • ...femngechi felekayay müten?

  • ...doy wedalkalerpuay?

  • ...kam kümelkaletuay?

 BIBLIA ÑI FEYPILEN

‘Ngünechen [...] angkümüñmatuaeyew ñi külleñu engün, fey ngewelayay ta lan, ngüman no rume, eyütun no rume, kutrantun no rume. Itrokom tati mülekefulu am ta kuyfi dew ta mülewetunolu.’ (Apokalipsi 21:3, 4, Ngünechen ñi Küme Dungu.)

CHUMNGECHI KÜMELKAYAFEYMU

Nieaymi küme falin ayüwün-ngechi küdaw (Isaías 65:21-23).

Ngewelayay kutran ka kutrankawün (Isaías 25:8; 33:24).

Afnoachi mongen nieaymi ayüwün mu tami pu che ka tami pu weni engün (Salmo 37:11, 29).

 ¿RÜF FEYENTUPEAFUIÑ MAY CHEM PIN TA BIBLIA?

May, müley epu dungu:

  • Ngünechen niey pepiluwün tañi feypikünuel ñi wechutripayal. Biblia mew, Ngünechen müten üytungekey tañi nien “itrokom pepiluwün”, chumkawnorume am afkenolu ñi newen (Apokalipsi 15:3). Feymew feypikünulu ñi doy kümelkalerputual taiñ Mapu, maneluwküleiñ kidu mew ñi rüf femal ñi feypikünuel. Chumngechi feypiley ti Biblia, Ngünechen “pepilniey” itrokom dungu tañi femal (Matew 19:26).

  • Ngünechen ayüley ñi femal kom ñi feypikünuel. Kiñe feypin, Biblia feypi Jewba rume ayüy ñi wiñoleltuafiel tañi mongen tati lachi pu che (Job 14:14, 15).

    Biblia ka feypi Jesu, Ngünechen ñi Fotüm, tremolfi tati pu kutrankülelu. ¿Chumngelu femi tüfa? Fey ayünielu ñi femal llemay (Marku 1:40, 41). Jesu ñi kümeke femün, küme pengeli tañi Chaw ñi ayünieel tañi kelluafiel tati pu che ñi duamtunieel (Juan 14:9).

    Feymew maneluwküleiñ Jewba ka Jesu mew ñi ayünieel iñchiñ taiñ ayüwküleal küpalechi antü mu (Salmo 72:12-14; 145:16; 2 Pedro 3:9).

 RAMTUWNGE

¿Chumngechi Ngünechen doy kümelkakünutuafi tüfachi Mapu?

Peaymi wiñoldungun Biblia mew MATEW 6:9, 10 ka DANIEL 2:44.