Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 DOY KIMNGEAM

Chumngechi kidutu malüw-wenoal

Chumngechi kidutu malüw-wenoal

Chaw Ngünechen ayükelafi ñi kidutu malüwken ti pu che, tati pu femngechi femkelu kintukey ñi kidutu kümelkawken müten ka wedake rakiduam nierpukeyngün. * Kafey trokiafuyngün kakelu pu che tañi kudumyeafiel müten ñi küme duamal. Tati pu femngechi femkelu küme rakiduamkelayngün ti kudumüwun mew epu che ñi pengeluwal tañi piwkeyewken, welu rakiduamkeyngün tati kudumuwün ñi eluaetew ayüwün  pichiñma mu kam ñi diturpuafiel tañi ayüel müten. Welu tüfa engün pichiñma müten küme duamkeyngün. Fey ñi kidutu malüwken kiñeke che, tüfa kellulayaeyew ñi ngünenieafiel tañi kuerpu ñi femnoal fillke pekan kudumuwün eluñmakenolu Ngünechen ñi ley ka fillke ünufal dungu, ka ñi rume illunienoafiel ti kudumuwün, welu may doyeli ñi illutukefiel (Kolosense 3:5, TNM).

Tati apostol Pablo wirintukuy: “Feymew, taiñ ekuniefiel mew ta Ngünechen, müley rumel taiñ liftuwküleael kom tüfeychi wesake dungu mew taiñ wesalkayafetew taiñ kuerpu mew ka taiñ rakiduam mew” (2 Korintio 7:1). Feymu küdawngele eymi mew inayal tüfachi ngülam weda duamkilnge, Jewba am pepikawkülelu taiñ wiñoduamtuaetew ka taiñ kelluaetew (Salmo 86:5; Luka 11:9-13). Kiñeke mu ka welulkawafuymi tüfachi dungu mew, welu wiñorakiduamtulmi ka yafüluwülmi tami femwenoal tüfachi weda wimtun, fey pengelaymi tami küme piwkengen. Rakiduamnienge tüfachi dungu: “Ngünechen am doy fentrelu iñchiñ taiñ piwke mew, fey kisu kom kimniey” (1 Juan 3:20). Fey Chaw Ngünechen peñmakelaeiñmew taiñ welulkan müten, welu may peñmakeeiñmew kom taiñ chumngen. Kidu kimniey chem taiñ rupameken, ka ngillatufiliyiñ taiñ kutranpiwkeyeaetew, kidu ta füreneaeiñmew. Feymu turpu fentekünulayaiñ taiñ ngillatuafiel ñom piwke mew, kiñe pichiche reke kintukelu tañi chaw ñi kelluaetew. Jewba liftuñmayafeiñmew taiñ rakiduam (Salmo 51:1-12, 17; Isaías 1:18). Kafey müley tami eluwküleal tami femal chem tami ngillatukeel, kiñe dungu tami femafel, fey tami penoal fillke pengekeelchi kudumuwün ka famentual tati wedake kompañ. *

 Pepi elkünunolmi tüfachi weda wimtun, eluwnge tami nütramkayafiel tami chaw kam tami ñuke Dungukelu Iney Ngen Jewba ngelu, kam kiñe küme weni ti trawünche mu küme weniyefilu ta Chaw Jewba (Proverbios 1:8, 9; 1 Tesalonisense 5:14; Tito 2:3-5). *

^ parr. 1 Tati pu nielu tüfachi weda wimtun, kidutu malüwkeyngün ñi dollüm kam ñi künüfül, ka femün mu kidutu nagümuwkeyngün kütu.

^ parr. 1 Fentren pu reñma tukukefingün ti komputador tañi ruka mew inafül chew tañi mülen ñi pu che, femngechi peayngün chem ñi ngüneduammeken tati pemekelu ti komputador mew. Kakelu tukukefingün fillke programa famentukefilu tati podngechi dungu. Welu longkontukunge: tami celular mew ka fillke elektroniko chemkün mu ka konafuymi internet mew, kafey chem programa no rume kellulayaeymew tami famentual kom ti podngechi dungu komputador mu, feymu kuñiwtukuwküleaymi.

^ parr. 1 Peafuymi kakelu kellun tami elkünual tüfachi weda wimtun, tüfa mu: “Los jóvenes preguntan... ¿Cómo puedo superar este hábito?”, mülelu ¡Despertad! noviembre 2006, ka Lo que los jóvenes preguntan. Respuestas prácticas, vol. 1, pagina 178-182.