Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 KIMELTUN 1

¿Chem kümeke dungu müley iñchiñ ngealu?

¿Chem kümeke dungu müley iñchiñ ngealu?

1. ¿Chem dungu nieleiñmu Dio?

Dio ayükey kom che ñi küme rupaleal ñi mongen mew. Ñi piwkeyefiel ta che, dewmay ti Mapu ka kom mülelu fey mu. Pürüm apümafi chew tuwün ti kutrankawün. Küpalechi antü mew kom pu che kom mapu, nietuay küme mongen. Chillkatunge Jeremías 29:⁠11.

Chem wentru ñi ngüneniel no rume apümkelay engün ti nalfeke che, kutran, ka lan rume. Welu müley kümeke dungu: pichiñma antü mu, Dio apümafi itrokom wentru ñi ngünenieel, ka elkünuafi kidu ñi ngünenien müten. Ka ñi pu che ayüwküleay tüngkülen mu, ka küme felen. Chillkatunge Apokalipsi 21:⁠4; Isaías 33:⁠24, ka Daniel 2:⁠44.

2. ¿Chumgelu (chemu) am doy falingey tüfachi kümeke dungu?

Ñi ngewenoal kutrankawün, Dio müley ñi entuafiel (nentofel) kom wedake che tüfachi Mapu mu. (Sofonías 2:⁠3). ¿Chumül am femay tüfa? Biblia feypikünuy kom wedake dungu kutrankamekelu ta che famülke mu. Tüfachi fill wedake dungu rupalelu pengeli Dio tañi pürüm apümafiel. Chillkatunge 2 Timotew 3:⁠1-5.

3. ¿Chem müley taiñ femal?

Müley taiñ kimafiel Dio, chillkatuniefiliyiñ ta Biblia. Fey ta kiñe chillka kiñe poyefe chaw reke wirilelfi tañi pu yall. Fey tüfa, feypieiñmew chumgechi ayüwküleafuyiñ taiñ mongen famülke mew, ka chem müley taiñ femal taiñ nieal afnoachi mongen küpalechi antü mu. Feyngey kiñeke che ayüwkelay tami chillkatuafiel ta Biblia. Welu eluwkilge tami yafüluwenoal, kom tüfachi alünkechi kümelkan am rume kümey. Chillkatunge Proverbios 29:⁠25, ka Apokalipsi 14:⁠6, 7.