Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

Tati pu trawüluwpalu ñi kimnieal

Tati pu trawüluwpalu ñi kimnieal

ADKÜNUCHEKELU. Tati pu adkünuchekelu kelluaeymu. Küme allkütufinge chumngechi adkünumekeyngün chew ñi elngekem ti pu auto, chew ñi rupaken tati pu che, ñi dullintungeal ti wangku, ka fillke dungu.

AYÜWÜN ÑI WÜLKEEL. Tüfachi trawün mu fentren plata amultukungey ñi kümelkaleal, ñi müleal kümeke wangku, ñi küme allkütungeal ka nieal video chemkün, ka itrofill ñi kümelkaleal tüfachi trawün mu ka ñi doy pülleleal Jewba mew. Tamün wülfielchi plata kelluay ñi kulliñmangeam tüfachi trawün, ka kellungeay tati amuldungun kom wall Mapu püle. Ñi kümelkaleal, kom püle tüfachi trawünwe ruka mu, müley caja ñi elngeam tamün ayünieel ñi wülal. Mañumfali kom tamün wülkeel. Tati Kiñewkülechi Ngünenielu mañumnieeymünmew tamün ayüwün-ngechi kellunien mu kom ti koneltulelu Ngünechen ñi Ngünenien mu.

FAWTISANGEAL. Feypingenole ka dungu, ti wangku tati pu fawtisawalu ñi anüleam, müley ñi dullikünungeal puñmalelu chew ñi wewpingekem. Tati pu fawtisawalu müley ñi anüleal engün, petu ñi wülngenon tüfachi wewpin sabado puliwen mu. Kom müley ñi küpalal engün kiñe toalla ka kiñe küme takun ñi konal ko mu.

KELLUNGEPEYÜM TI ALLFÜCHI CHE. Füreneen, akordanienge, tüfachi küdaw-we mu amuay tati RÜF DUAMNIELU ÑI KELLUNGEAL MÜTEN.

ÑAMKÜLECHI WESHAKELU. Kom ti ñamkülechi weshakelu müley ñi yengeal chew ñi trapümngekem ñamkülelu. Ñamümülmi tami weshakelu, amuaymi tüfa mew tami yemetual tami ñamümnieel. Ka küpalngeay tüfa mu tati pichikeche püntüwlu ñi pu chaw mu, kam ñamkiyawlu. Welu tüfachi küdaw-we elngelay ta ngüneytual tati pu pichikeche. Füreneen pu chaw, ngüneytunienge tami pu yall, ka fülkülepe eymu mew tuntepun tüfachi trawün mew.

TI KÜPA KELLUKELU. Küpa kelluntukulmi fillke küdaw nielu tüfachi fütra trawün mu, amuaymi tüfachi küdaw-we mew.

WANGKU. Füreneen, manelfalchengeaymi. Akordange tami dullial ti wangku tami pu che ngeal, tami miyawülelchi che tami auto mew, tami ruka mu nieelchi pu che, ka tati pu chillkatukelu Biblia eymi engu. Elkünulayaymi tami weshakelu ñi duamnienoelchi wangku mew.

 TATI TRAWÜN WÜLDUNGUKELU

PU AMULDUNGUKELU NGÜNECHEN ÑI NGÜNENIEN TAÑI CHILLKATUWE. Tati pu wünelekelu amuldungun mew nielu 23 puwlu 65 tripantu duamnielu ñi doy küdawküleal ñi amuldungun mu, mangelngey ñi mülepayal domingo rupan antü tüfachi trawün mew. Feypikünungeay tati ora ka chew femngeay tüfa.

Ñi pepikakünuel pu Dungukelu Iney Ngen Jewba tañi Kiñewkülechi Ngünenielu