Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TROKIÑ 14

Pu pelon wentru, dungukelu Ngünechen mu

Pu pelon wentru, dungukelu Ngünechen mu

Jewba üytufi pu pelon wentru ñi wülal ngüfetun (eypitun) ka werkün dungu nielu ti rüf feyentun ka Mesia mu

FEYCHI antü mew pu Longko Ülmen (Rey) Israel ka Juda mu, müna falin-ngey tüfachi pu pelon wentrungelu engün. Kom tüfa engün fütra newen duamnieyngün ka kiñe fütra mupiltun ñi wülal Ngünechen tañi werkün dungu. Fentren ñi pelon dungu pengelkey tüfachi dungu mu:

1. Apümkangelu ti Jerusalen waria. Ngünechen ñi pu pelon wentru dunguyngün —welu Isaia ka Jeremia—fentren tripantu mew, feypikünuy engu ñi apümkangeal Jerusalen waria ka tañi tranakünungeal. Ka feypingu chumngelu (chemu) Ngünechen lladkütufi feychi pu che ñi weda femün. Tati pu che mülelu tüfachi waria mu maneluwkefuy ñi yenieal Jewba ñi üy, welu tañi wedake wimtun, ka tañi weda femün ka tañi kewan dungu (nalün) pengelingün ñi chumngen engün. (2 Reyes 21:10-15; Isaías 3:1-8, 16-26; Jeremías 2:1–3:13).

2. Küme elkünungetun ti rüfngechi feyentun. Rupalu regle mari tripantu mülelu engün Babilonia waria mew, Ngünechen tañi pu che wiñotuyngün ñi mapu mew, eluwingün ñi wiño dewmatuael ti ngillatuwe ruka Jerusalen mew ka küme elkünungeafuy ti rüfngechi feyentun (Jeremías 46:27; Amós 9:13-15). Epu pataka tripantu kuyfi mew, petu ñi rupanon tüfachi dungu Isaia feypikünuy kiñe pelon dungu, kiñe wentru Siro pingelu, nüafi Babilonia waria, ka chumngechi ñi nütungeal ti Babilonia waria, femngechi neykümngetuafuy Ngünechen tañi pu che (Isaías 44:24–45:3).

3. Akulu ti Mesia ka ñi femün. Ti Mesia choyüngeafuy (llegiabuy) Belen waria mew (Miqueas 5:2). Ñom piwke ngerkealu, konürkeay Jerusalen waria mew, ñi püralen kiñe pichi furiku mew (Zacarías 9:9). Jesu rume (mütre) piwkeyerkeafi tati pu che, welu fentren pu che üderkeaeyew (Isaías 42:1-3; 53:1, 3). Feymew Jesu lale, rume kutrankawürkeay, feymew ¿fentepuy Mesia? Femlay tati, wiñomongetuay ñi pengelal tañi chalintukuwün ka femngechi ñi montulafiel kom pu che ñi yafkan mu (Isaías 53:4, 5, 9-12).

4. Mesia ñi ngünenien. Yafkan nielu am pu che pepikawkülelayngün ñi ngünenieal, welu tati Mesia pepikawküley ñi ngünenieal, ka femngechi feypingekey tati Longko Ülmen ñi küpalal chi Tüngün (Isaías 9:6, 7; Jeremías 10:23). Ngünenietule ti Mapu müleay tüngün wall Mapu püle, ka tati pu wentru ka tati pu kulliñ tüngküleay engün (Isaías 11:3-7). Afay kom ti kutran (Isaías 33:24). Ka lan dungu rume (kenü), ngewelayay (Isaías 25:8). Ka fentren warangka pu che wiñomongetuay (Daniel 12:13).

(Tuwlu Isaías, Jeremías, Daniel, Amós, Miqueas ka Zacarías ñi lifru.)