Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TROKIÑ 5

Ngünechen kümelkafi ta Abraam ka tañi pu reñma

Ngünechen kümelkafi ta Abraam ka tañi pu reñma

Abraam ñi pu yomelche amuley ñi küme felen. Ngünechen kuñiwtukefi ta Jose Egipto mapu mu

JEWBA kimi ñi akual chi antü, tañi doy sakin Fotüm kütrankawpayal ka ñi langümngeal. Ti pelon dungu mülelu Génesis 3:15 femngechi pengeli, welu newe kimfalngelay chi dungu. ¿Chumngechi pengelafuy Jewba ta kom pu che tunte ñi fütra kutrankawal kidu, lale tañi Fotüm? Biblia mu pengelkey tüfa, Ngünechen feypifilu ta Abraam ñi chalintukuafiel tañi sakin fotüm, Isaak pingelu.

Tukulpange Ngünechen dew feypikünufi ta Abraam ti Montulchefe küpayay Isaak ñi yomelche (küpalelu). Kidu rume (mütre) mupiltun niekefuy feychi feypikünuelchi dungu, ka maneluwkefuy Ngünechen mew ka wiñomongeltuafuy tañi fotüm, duamngele. Feymew feyentuy (müngeltuy) ka amuy ñi chalintukuafiel tañi fotüm. Feytichi lelen mew petu ñi langümnofiel, Jewba werküy kiñe werken püllü ñi katrütuafiel Abraam ñi femün. Fey wüla püramyefi ta Abraam ñi fütra mupiltun, ka wiño feypifi ñi feypikünuelchi dungu.

Mülen antü mu, Isaak niekefuy epu fotüm, Esaw ka Jakob pingekefuyngu. Welu Jakob müten falintuniefi kom dungu küpalu Ngünechen mu, feymu kümelkangey. Ngünechen ka üy tukulelfi Israel ta Jakob, ka nierpuy mari epu fotüm. Feymew tripayngün kom tati pu Israel ñi trokiñ reñma (pu che). Welu, ¿chumngechi tüfachi reñma kiñe fütra trokiñche ngerpuy?

Kom tüfachi dungu llituy (ellaka) Jose ñi pu peñi ütriretew engün. Rume (mütre) ütrirniefingün tañi peñi, feymew fendefingün kona reke. Fey yengey ta Egipto mapu mew, chew rupakey rume (mütre) wedake dungu. Welu, Ngünechen kellufi tüfachi weche wentru püntükenolu Jewba mu ka llükakenolu, ka kiñe antü Faraon elfalkünufi kiñe falin-ngechi (manelbalchi) küdaw. Jakob ñi pu reñma fillalelu, fey werküfi ñi pu fotüm ñi ngillameal iyael Egipto mapu mu, femngechi Jose kellufi tañi pu reñma. ¿Iney am ta elfalkünungey kom iyael? ¡Jose ürke! Fey wüla trawülu tañi pu wiñorakiduamtulechi peñi engün, feymew afmatufalchi dungu rupay ka ayüduamnagingün. Feymu Jose wiñoduamtufi ka feypifi ñi küpalal tañi pu che ñi wiñamtuwal engün Egipto mapu mu. Faraon elelfi doy kümeke mapu, ka tati pu reñma doy alüngerpuyngün ka amuley ñi küme feleal üye mu. Jose ngüneduami Jewba ñi adkünun chi dungu ñi mupial ñi feypikünun.

Tunte ñi puwün ñi mongen, Jakob mülenagi Egipto mapu mew, ka tañi pu alülerpuchi reñma engün. Petu ñi lanon feypikünuy ti feypikünuelchi Montulchefe kiñe newen-ngechi longko ülmen-ngeay, ka choyüngeay (llegay) tañi fotüm Juda mu. Fentren tripantu wüla, Jose feypikünuy Ngünechen entuay Jakob ñi pu reñma Egipto mapu mu.

(Tuwlu Génesis kapitulo 20 ka puwlu 50, ka Ebrew 11:17-22.)