Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TROKIÑ 16

Akuy ti Mesia

Akuy ti Mesia

Jewba pengeli Jesu Nasaret tuwlu, feyta feypikünuelchi Mesia

¿CHUMNGECHI tati pu che kimafuy iney ngen ta Mesia? Ngünechen müten kimeli ñi iney ngen. Meli pataka tripantu wüla, aflu ñi wirintukuel Ebrew ñi Wirintukun mu, kiñe werken püllü Gabriel pingelu pewfaluwi ta Maria kiñe üllcha domo mülekefuy pikun-ngechi (norte) Galilea waria mu, Nasaret mu. Gabriel feypifi ta Maria ñi niepüñen-ngeal. Fey petu kimnolu wentru, Ngünechen femay ñi niepüñen-ngeal fütra newen mu, feyta lif küme püllü. Tüfachi püñeñ feyta ti feypikünuelchi Longko Ülmen ñi ngünenieal rumel mew. Rüfkünu, Ngünechen rulpayafi ta Maria ñi küdiñ (angka)  mew, ñi wünen Fotüm ñi mongen mülelu wenu mapu mew.

Maria llowi feychi falin-ngechi dungu ñom piwke mu. Ñi ayün wentru, Jose pingelu, feyta kiñe fill mamüll küdawkelu, ka Ngünechen werküfi kiñe werken püllü ñi feypiafiel ta Jose feychi dungu, fey wüla niewi engu. Fey llemay tukulpafiyiñ dew feypikünukefuy ti Mesia choyüngeal (llegingeal) Belen waria mu, welu choyüngelayay Nasaret waria mew (Miqueas 5:2). Feychi mapu mülefuy kiñe pataka meli mari kilometro ñi tuwün-ngen, feymew ¿chumngechi wechurpuafuy feychi feypikünun?

Pichin mu wüla, kiñe wentru ngünenielu roma, dewmay kiñe ley dungu, kom tati pu che mülefuy ñi wirintukual chew ñi tuwün-ngen engün. Jose ka Maria ñi pu che tuwürkefuy chi Belen waria mu, welu Maria petu nienon ñi püñeñ, amuyngu feychi waria mu (Luka 2:3). Jesu choyüngey kiñe ruka kulliñ mew, ka kudukünungey chew ñi ikemüm pu kulliñ. Feymew fentren werken püllü pewfaluwi kiñeke kamañ ufisa inafülkülelu, ka feypifi engün dew choyüngey ti feypikünuelchi Mesia kam Kristo.

Ka mülerkeay kakelu pu che feypialu ta Jesu ti feypikünuelchi Mesia ngey. Ti pelon wentru Isaia pingelu feypikünurkey ñi müleal kiñe wentru ñi pepikawülelaetew ti rüpü ñi küdawael ta Kristo (Isaías 40:3). Feychi wentru Juan ti Fawtisachefe ngelu. Kiñe antü mu, pefilu ta Jesu wirari: “¡Leliwülfimün, fey tüfachi wentru ta Ngünechen ñi Korderu, tati montulafilu kom mapu mülechi pu che tañi yafkan mew!”. Pürüm (pür) müten mu, fentren Juan ñi pu inaniekeetew, Jesu ñi disipulongerpuy engün. Kiñe, fey engün mu feypi: “Pepefiyu tati Mesia (tati Kristo ürke)” (Juan 1:29, 36, 41).

Welu ti doy falin-ngechi feypin petu feypingelay. Juan dew fawtisafilu ta Jesu, Jewba üytufi ñi lif küme püllü mew ñi Mesia ngeal ka feypi:“Fey tüfa ta iñche ñi sakin Fotüm, ñi fentren manelnieel” (Matew 3:16, 17). ¡Af mew akurkey ti feypikünuelchi Mesia!

Welu ¿chumül rupay tüfa? Feychi 29 tripantu taiñ mülen antü, wechurpuy meli pataka pura mari küla tripantu feypikünulu Daniel. Rüfkünu llemay, tüfa ta kiñeke dungu müten feypikünungelu pengelkey Jesu ta Mesia ngen. Feymu, ¿chem werkün dungu feypiafuy petu mülelu Mapu mew?

(Tuwlu Matew kapitulo 1 ka puwlu 3, Marku kapitulo 1, Luka kapitulo 2 ka Juan kapitulo 1.)