Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 KIMELTUN 7

¿Iney am Jesu?

¿Iney am Jesu?

Jewba werküfi ta Jesu Mapu mew 1 Juan 4:9

Eymi küpa ayüwülfilmi ta Jewba, müley tami allkütuafiel ñi Fotüm. Kuyfi mu, petu ñi dewmanofiel Adan, Jewba wüne dewmay kiñe newen-ngechi küme püllü wenu mapu mu.

Dew dewmafilu tüfachi küme püllü, fentren rupachi tripantu mu, Ngünechen werküfi tañi choyüngeal Mapu mew, we püñeñ reke. Kiñe domo petu ñi fütangenon, Maria pingekefuy, choyüeyew Belen pichi waria mew. Fey Jesu üytukulelngey (Juan 6:38).

Petu ñi mongelen Mapu mu, Jesu pengeli ñi kümechengen ka ñi poyechengen, Jewba reke. Feymu, pu che ayüy ñi fülkonküleal kidu mu. Kafey, llükakelay ñi kimeltual Ngünechen ñi rüf dungu.

 Jesu kümeke dungu femkefuy, welu fentren che üdeeyew 1 Pedro 2:21-23

Pu religioso longkolelu üdefingün ta Jesu, feypifilu am tüfa engün koylake dungu kimeltukeyngün, ka weda femkeyngün.

Ka tremolfi tati pu kutran, kafey wiñomongeltufi kiñeke layechi che.

Af mew, pu religioso longkolelu feypifingün pu romache ñi wülelkayafiel ta Jesu, ka ñi langümngeal.