Amual ti dungu

Pu Dungukelu Iney Ngen Jewba

Dullial kewün dungu mapudungun

¿Afpeay may taiñ kutrankawkülen?

¿Afpeay may taiñ kutrankawkülen?

¿Chem piafuymi eymi . . .

  • ...may?

  • ...femlayay?

  • ...femkayafuy chi?

 BIBLIA ÑI FEYPILEN

‘Ngünechen [...] angkümüñmatuaeyew ñi külleñu engün, fey ngewelayay ta lan, ngüman no rume, eyütun no rume, kutrantun no rume.’ (Apokalipsi 21:3,4, Ngünechen ñi Küme Dungu.)

CHUMNGECHI KÜMELKAYAFEYMU

Rüf maneluwküleaymi Chaw Ngünechen mu wülkenolu wedake dungu (Santiaw 1:13).

Yafülduamküleaymi tami kimün chumngechi ta Chaw Ngünechen ngüneytunieeiñmu taiñ kutrankawkülen mu (1 Pedro 5:7).

Rüf maneluwküleaymi ñi afael kom kutrankawün küpalechi antü mu (Salmo 37:9-11).

 ¿RÜF FEYENTUPEAFUIÑ MAY CHEM PIN TA BIBLIA?

May, müley epu dungu:

  • Chaw Ngünechen üdekefi ti kutrankawün ka norngenochi dungu. Kuyfi mu, ¿chum duami Jewba wedalkañmangelu tañi pu che? Biblia feypi weñangküy ñi piwke pefilu kake che “ñi wedalkamekeetew engün” (Jueces 2:18, Traducción del Nuevo Mundo, TNM).

    Ngünechen ayükelafi tati kutrankakefilu kakelu che. Kiñe dungu: Biblia feypi Jewba ñi üdekefiel tati che “langümkelu kulpan-ngenochi che” (Proverbios 6:16, 17).

  • Ngünechen duamniefi kom pu che. Jewba yafültukueiñmew taiñ elkünual kidu mew kom taiñ fill rakiduamelnieetewchi dungu ‘kidu am ta piwkeyenieeiñmew’ (1 Pedro 5:7).

    Tañi Ngünenien mu, Ngünechen pürüm apümkayafi kom kutrankawün nielu tati pu che (Matew 6:9, 10, TNM). Welu fewla, yafültukumekefi piwkeyen mu kom ñi kintukeetew rüf piwke mu (Hecho 17:27; 2 Korintio 1:3, 4).

 RAMTUWNGE

¿Chumngelu Ngünechen eluñmay taiñ kutrankawkülen?

Peaymi wiñoldungun Biblia mew ROMANU 5:12 ka 2 PEDRO 3:9.