Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TAIÑ KRISTIANO MONGEN

¿Chem femafuiñ taiñ küme chillkatual Biblia?

¿Chem femafuiñ taiñ küme chillkatual Biblia?

Kintukaduamngelmi, ¿ayüafuymi manelfal chengeal Daniel reke? Daniel küme chillkatukefuy Chaw Dios tañi Dungu, kafey küdawngechi pelon dungu (Da 9:2). Tami küme chillkatukefiel ti Biblia, ¿kellupeafuy may tami manelfal chengeal? Feley, yafültukuaeymu tami maneluwküleal ñi femtripayal Chaw Jewba tañi feypikünun (Jos 23:14). Kafey doy piwkeyeafimi ta Chaw Dios, kelluaeymu tami küme femün (Sl 97:10). Welu, ¿chumngechi femafuymi tüfa? Longkontukunge tüfachi ngülam.

  • ¿Chem dungu chillkatuafun? Fill semana adkünuaymi tami pepikayal ti trawün. Tami küme ngüneduamfiel kiñeke kimeltun tami adümnofiel ti papeltun Biblia semana mu, kelluaeymu tati. Ka doy kimürpuafuymi kiñeke pelon dungu, ti fillke dungu koneltulelu ñi küme chengeal Ngünechen ñi newen mew, Pablo ñi amuldunguyawün ka Jewba ñi dewmael mu. Ramtuwülmi kiñe dungu Biblia mu, wirintukufinge ka fey wüla tami chillkatun mu ngüneduamfinge.

  • ¿Chumafun tañi doy kimal? Ti video pingekelu Kellun tami doy kimafiel Biblia ñi falin dungu kelluaeymu. Tami adümkantual, ngüneduamfinge chem fütrake gobierno adentuley ti pu awka kulliñ mu pengelngelu Daniel kapitulo 7.

  • ¿Tunteñma chillkatuafun? Fill semana chillkatufilmi ti Biblia, küme weniyerpuafimi Jewba. Wüne pichiñma chillkatuafuymi, ka duamnielmi doy alüñmayafuy tami chillkatun. Chillkatufiel ti Biblia trürümngeafuy ta kintual ellkalechi falinke fillem, fey doy falin dungu pelmi, doy küpa chillkatuaymi (Pr 2:3-6). Doy falintuafimi ti Biblia, fey amuleay tami chillkatual (1Pe 2:2).

TI PU AWKA KULLIÑ PENGELNGELU DANIEL KAPITULO 7, ¿CHEM ADENTULEY?

KANGELU RAMTUN:

¿Chumngechi femtripay Daniel 7:8, 24?

TÜFA CHILLKATUAFUN:

Ti pu awka kulliñ pengelngelu Apokalipsi kapitulo 13, ¿chem adentuley?