Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TAIÑ KRISTIANO MONGEN

Doy küme adümuwnge tami amuldungual: Kintufinge kom pu che tami lof mu

Doy küme adümuwnge tami amuldungual: Kintufinge kom pu che tami lof mu

CHUMNGELU FALIN-NGEY: Sakaria feypikünuy fentren che fillke kewün dungu nielu ñi llowal tati kümeke dungu (Zac 8:23). Welu, ¿iney am kimeltuafeyew? (Rom 10:13-15.) Iñchiñ nieiñ ti falin küdaw amuldungulelafiel ti kümeke dungu kom pu che taiñ lof mew (od pag. 84 parr. 10, 11).

CHUMNGECHI ÑI FEMNGEAL:

  • Pepikawnge. ¿Pelmi kiñe che ka kewün dungulu? Ngüneduamnge JW Language tami adümkantual kiñe küdawngenochi nütram. Kafey tami elektroniko chemkün mu pengelelafuymi ti che jw.org ñi peal doy kümeke dungu kidu tañi kewün mu.

  • Adkintunge. Amuldungulmi fill ruka püle, küme adkintuaymi chem ñi rupameken, fey tami nütramkayafiel pu che rupamekelu ka pu üngümkülelu auto mu. Koneltulelmi ti amuldungun chew ñi rupameken alünke che, eluwnge tami amuldungual müten.

  • Eluwkülenge. Penolmi che kiñe ruka mu wiñotuafuymi. Yafüluwnge tami nütramkayafiel kiñe che fill ruka mu, wiñotuafuymi chi kake antü semana mu kam kake ora. Kafey duamfali taiñ nütramkayafiel karta, telefono kam rüpü mu feychi che taiñ pekenoel tañi ruka mu.

  • Amulkünunge ti nütram. Pürüm wiñopemetuafuymi ti che tami yafüluwafiel ñi doy kimal. Ka kewün dungule ti che, kintunge kiñe amuldungukelu tañi kelluaetew. Femngechi ñi wiñopemengetual kidu tañi kewün mu, welu petu ñi rupanon tüfa, eymi wiñopemetuafimi (od pag. 93, 94 parr. 39, 40).

PEFINGE TI VIDEO AMULDUNGUKEIÑ “TUNTEPU ÑI MÜLEN TA MAPU” KA WIÑOLDUNGUNGE TI MÜLEYECHI RAMTUN:

  • Pu peñi ka lamngen, ¿chumngechi pepikawingün ñi amuldunguafiel pu che kamapulelu? (1Ko 9:22, 23.)

  • ¿Chem dungu chaftufingün?

  • ¿Chem kümeke dungu llowingün?

  • Eymi kay, ¿chumngechi kintuafuymi doy pu che tami lof mew?