Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

 TAIÑ KRISTIANO MONGEN

Küme llowafiyiñ engün

Küme llowafiyiñ engün

¿Iney engün am küme llowafiyiñ? Chem che rume küpale taiñ trawün mu, pu we küpalu ka pu trawükelu fentreñma mu (Rom 15:7; Eb 13:2). Küpayafuy chi kiñe peñi kam lamngen ka mapu tuwlu kam kiñe amuldunguwenolu alüñma ñi trawükenofel. Femngechi rupafulmi, ¿chum duamküleafuymi? Ayüafuymi llemay tami küme llowngeal (Mt 7:12). Feymu petu ñi kon-non ka afle ti trawün, newentuaiñ taiñ chaliafiel pu che. Femngechi femliyiñ, weniyewküleaiñ ka tutewküleaiñ tati Trawünwe Ruka mu, fey püramyeafiyiñ ta Jewba (Mt 5:16). Rüfkünu may, chalilayafuiñ kom pu küpalu trawün mu. Welu kelluntukuliyiñ, kom pu che küme duamküleay. *

Küme llowkefiyiñ pu amulu ti trawün Jesus tañi lan ñi akordangeal, welu ka müley taiñ küme llowafiel pu che fill rupa. Pu we küpalu inaduamle taiñ piwkeyewün, fey iñchiñ mu ayüafuy ñi püramyeafiel ta Chaw Dios ka rüf poyeafiel (Jn 13:35).

^ parr. 3 Biblia feypieiñmu taiñ kiñewkülenoal pu wemünentungelu trawünche mu ka pu piwenolu ñi Dungukelu Iney Ngen Jewba ngeal küpale taiñ trawün mu (1Ko 5:11; 2Jn 10).