Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

‘Chaw Dios, ¿chumngelu chumkelay rume?’

‘Chaw Dios, ¿chumngelu chumkelay rume?’

‘RAMTUWKEN: CHAW DIOS, ¿CHUMNGELU CHUMKELAY RUME?’ (Ñi feypiel tati papa Benedicto XVI, ngemelu chew ñi püresungefel pu che Auschwitz lof, Polonia mapu mu).

KIMNIELMI ÑI RUPAN KIÑE FÜTRA WEDA DUNGU, RAMTUWAFUYMI: “CHAW DIOS, ¿CHUMNGELU (CHEMU) CHUMKELAY RUME?”. KAM MÜNA KUTRANTUPIWKELELMI, RAMTUWAFUYMI: “¿RÜF DUAMNIEENEW CHAW NGÜNECHEN?”.

Ngüneduamnge Sheila ñi rupan, Estados Unidos mu mülelu. Kidu ka tañi familia müna religiosangefuy. Fey feypi: “Pichikalu iñche kimün Chaw Dios taiñ dewmaetew, fey feyentuken kidu mu. Welu turpu weniyekelafuiñ. ‘Ngünechen adkintunakümniepaenew, welu alü kamapu mu müten’, pifun. Rakiduamkelan Ngünechen tañi üdekeetew, welu piwkeyekelaenew trokikefun”. ¿Chumngelu femngechi duamkülefuy Sheila? Kidu feypi: “Weluke kontueyew wedake dungu tañi pu che, welu Chaw Dios turpu kellukelaeiñmu trokiwkefun”. Kiñeke mu, ¿ka rakiduamkeymi chi?

Sheila reke, eymi ka feyentukeymi chi Chaw Dios mu. Welu ramtuwkeymi chi: “Ngünechen, ¿rüf duamnieenew ta iñche?”. Kuyfi mu mülefuy kiñe küme wentru, Job pingelu. Kidu ka femngechi duamkülefuy, maneluwkefulu rume Chaw Dios tañi kimün ka tañi newen mu (Job 2:3; 9:4). Job rakiduampelay ñi afnoal tañi weda rupameken, weluke kontuetew am wedake dungu, fey ramtufi ta Chaw Dios: “¿Chumngelu am ellkakeymi tami ange, fey kayñe trokien am?” (Job 13:24).

¿Chem kimeltukey Biblia? Chaw Ngünechen, ¿femkünupey may ñi müleal wedake dungu Mapu mew? ¿Kimfalngepey may Chaw Dios taiñ duamnieetew kake kiñeke iñchiñ? Eymi ka ramtuwafuymi: “Ngünechen, ¿duamniepeenew may? ¿Rüf kimniepey may tañi rupameken ka tañi chum duamkülen? ¿Kellupeafenew tañi weda rupan mu?”.

Küpalechi trokiñ mew, ngüneduamaiñ Chaw Dios ñi dewmael ka chumngechi tüfa pengeli fente taiñ duamnieetew kidu (Romanu 1:20). Kafey ngüneduamaiñ Biblia ñi chem pilen Ngünechen taiñ duamnieetew mu. Fey ngüneduamülmi kidu ñi dewman ka ti Biblia, doy küme kimaymi fente tami piwkeyenieetew Chaw Dios (1 Juan 2:3; 1 Pedro 5:7).