Amual ti dungu

Amual tati trokiñ dungu mu

Pu Dungukelu Iney Ngen Jewba

Dullial kewün dungu mapudungun

¿Kimpeafuiñ may ta Ngünechen?

¿Kimpeafuiñ may ta Ngünechen?

Fentren che feyentukey Ngünechen mu. Welu ramtungefule: “¿Chumngey ta Chaw Dios?”, kakerume piafuyngün. Kiñeke feypikey: “Ngünechen re ayükey ñi kastigayafiel ta pu wedake che”, pikey. Kakelu feypi: “Chem weda dungu rume femliyiñ, Ngünechen piwkeyeaeiñmu ka perdonayaeiñmu”. Kakelu ka feypi: “Ngünechen duamyekelaeiñmu, alü kamapuley iñchiñ mu”. Allkütun mu tüfa, fentren che “turpu kimlayafuiñ ta Ngünechen”, pikey.

Kimafiel ta Ngünechen, ¿falin-ngepey may? Falin-ngey tati. Tüfa müna ayüwülafeiñmu, ka kelluafeiñmu kimal chumngelu kidu eli ta che Mapu mew (Hecho 17:26-28). Doy fülkonküleliyiñ Ngünechen mu, kidu doy piwkeyeaeiñmu ka kelluaeiñmu (Santiaw 4:8). Küme kimfiliyiñ ta Chaw Ngünechen aflayafuy taiñ mongen (Juan 17:3).

¿Chumngechi kimafuiñ ta Ngünechen? Rakiduamnge kiñe weni tami küme kimnieel. ¿Chumimi tami weniyeafiel? Dew pewlu eymu, ayüymi tami kimal kidu ñi üy, ñi chumngen, chem ñi ayükeel ka ñi ayükenoel, ñi chumün kuyfi ka ñi küpa femal. Femngechi eymi doy kimfimi feychi che, feymu doy weniyefimi.

Ka femngechi, taiñ doy kimafiel ta Chaw Ngünechen ramtuwafuiñ:

Kom ti trokiñ mülelu tüfachi chillka mew kelluaeiñmu taiñ kimal chem pin Biblia tüfachi dungu mu. Feymu tüfachi chillka kelluaeiñmu taiñ kimafiel ta Chaw Ngünechen, ka chumngechi kümelkayafeiñmu taiñ weniyefiel ta kidu.