Amual ti dungu

Amual tati trokiñ dungu mu

Wechekeche: “fente küme küdawyenieaymün tamün montuluwal”

Wechekeche: “fente küme küdawyenieaymün tamün montuluwal”

“Chumngechi rumel inakeymün tamün feypingeel, [...] ka femngechi fütra yamün mu fente küme küdawyenieaymün tamün montuluwal” (FILIPENSE 2:12, TNM).

ÜLKANTUN: 133 KA 135

1. ¿Chumngelu (chemu) fente falin-ngey ñi fawtisawal? (Inaduamnge ti adentun ellaka mu mülelu.)

FILLKE tripantu mu, fentren che chillkatukelu Biblia fawtisawkeyngün. Kidu engün mu, müley fentren wechekeche ka pichikeche. Tüfa engün kimeltungeyngün chi ti rüf dungu petu pichikalu. Eymi kay, ¿dew fawtisawimi? Femngechi femülmi, sakiwiyiñ llemay. Kom pu kristiano müley ñi fawtisawal. Tüfa müna falin-ngey ñi montuluwal ka ñi nieal afnoachi mongen (Matew 28:19, 20; 1 Pedro 3:21).

2. ¿Chumngelu ‘weda dungu ñi poyefiel ta Jewba’ pilayafuymi?

2 Fawtisawlu eymi, Jewba müna kümelkakeeymu. Welu fewla müley kiñeke dungu tami femal. ¿Chumngelu? Ti antü tami fawtisawün, tati wewpitulu ramtueymu: “Mupiltulu am eymi Jesukristo ñi lan mu, ¿wiñorakiduamtuymi tami kulpan-nien mu ka wülimi tami mongen ta  Jewba tami femal kidu ñi ayükeelchi dungu?”. Eymi “may” feypimi, femngechi pengelimi tami feypikünufiel ta Jewba ñi piwkeyeafiel ka femal ñi ayükeel chem rupale rume. Rupale ti antü, ¿‘weda dungu ñi poyefiel ta Jewba’ piafuymi? Femlayaymi llemay. Turpu weñangkül-layaeymu tami adniekeetew Jewba. Rakiduamnge tüfa: poyenofilmi ta Jewba, fey eluwaymi tami ngünenieaetew Weküfü. Kidu duamtulaeymu, ka ayüafuy tami famentuafiel ta Jewba, kidu reke, femngechi tami llownoal afnoachi mongen.

3. Wülkünulu am eymi tami mongen Jewba mew, ¿chumngechi kümelkakeeymu kidu?

3 Rakiduamnge chumngechi tami kümelkakeetew Jewba, wülkünulu am eymi tami mongen ka fawtisawlu. Eymi eluwimi Jewba mu, feymu maneluwün mu feypiafuymi: “Ñidol Ngünechen kellukeenew ta iñche, feymew llükalayan. ¿Chem chumaenew anta che?” (Ebrew 13:6). Feley, kiñewküleiñ Jewba iñchiñ, ka ayüwülkefiyiñ, tüfa tati doy falin dungu taiñ femafel.

EYMI MÜTEN KONELTULEYMI

4. ¿Chumngelu eymi müten koneltuleymi tami weniyeafiel ta Jewba?

4 Kiñeke chaw rulpalelkefingün ñi mapu tañi pu yall. Welu femngechi felelay taiñ weniyekefiel ta Jewba. Mülelmi rume tami pu chaw ñi ruka mew, eymi müten koneltuleymi tami weniyeafiel ta Jewba. ¿Chumngelu fente falin-ngey tami rakiduamtukuafiel tüfa? Kimnolu am eymi chem küdawün-ngechi dungu mu tami rupayafel küpalechi antü mu. Rakiduamnge tüfa, fawtisawimi chi petu pichikalu. Welu dew wechengeymi, feymu rupakeymi kakelu küdawün-ngechi dungu mu kam ayükeymi kakelu dungu. Kiñe üllcha domo feypi: “Tañi elungeal torta kiñe cumpleaño tañi chillkatuwe ruka mu, kiñe pichiche famentulayafi ñi Dungukelu Iney Ngen Jewba ngen. Welu tremle, doy ayürpuafuy kudumuwün, feyke ta duamnieay ñi maneluwal Jewba ñi ngülam tañi kümelkayaetew”.

5. Tunten tripantu nieliyiñ rume, ¿chem rupayafuiñ kom pu kristiano?

5 Feypilayaiñ pu wechekeche müten ñi rupaken küdawün-ngechi dungu mu. Fawtisawlu pu tremche ka duamnieyngün ñi pengelal tañi rüf piwkeyefiel ta Jewba, rupale fillke dungu mu ñi üngümkenofel engün. Rupayafuyngün küdawün-ngechi dungu kurewen mu, küdaw mew kam kutranafuyngün kütu. Tunten tripantu nieliyiñ rume, kom rupayaiñ küdawün-ngechi dungu, fey duamfalngeay ñi pengelal taiñ nor piwkeyefiel ta Jewba (Santiaw 1:12-14).

6. 1) ¿Chem müley tami longkontukunieafiel? 2) ¿Chem kimeltueymu Filipense 4:11,12 ka 2 Korintio 4:7?

6 Tami püntütripanoal Jewba mew, longkontukunieafimi tüfa: wülkünuymi tami mongen Jewba mew, tati Doy Alüpüralelu, femngechi feypikünufimi tami poyeafiel chem rupale rume, tami pu chaw kam weni püntütripafule kütu (Salmo 27:10). Feymu, ngillatuafimi ta Jewba tami kelluaetew ñi femürpual tami feypikünufiel, chem rupale rume (papeltunge Filipense 4:11, 12; 2 Korintio 4:7).

7. Biblia feypilu “fente küme küdawyenieaymün tamün montuluwal”, ¿chem kimeltukeeiñmew?

 7 Jewba küpa weniyeeymu. Welu müley tami küdawküleal tami küme weniyeafiel ka tami montuluwal. Feymu Filipense 2:12 feypi: “Fütra yamün mu fente küme küdawyenieaymün tamün montuluwal”. ¿Chem kimeltukeeiñmew tüfa? Müley taiñ rakiduamküleal chumngechi küme küdawküleal taiñ weniyenieafiel ta Jewba, ka püntütripanoal kidu mu chem rupale rume. Rakiduamnge, kiñeke che poyekefilu ta Jewba fentren tripantu mu püntütriparpuyngün, feymu kidutu maneluwkilnge. Fey, ¿chem kelluaeymu tami küme küdawyenieal tami montuluwal?

FALIN-NGEY TAMI CHILLKATUAFIEL BIBLIA

8. 1) ¿Chumngechi chillkatuafimi Biblia? 2) ¿Chumngelu fente falin-ngey chillkatual?

8 Tami weniyeafiel ta Jewba, duamfalngey tami allkütuafiel ka nütramkayafiel. Tami allkütuafiel ta Jewba, müna falin-ngey tami chillkatuafiel Biblia. ¿Chumngechi femafuymi tüfa? Papeltuafimi ka rakiduamafimi ñi chem pilen Biblia ka tati fillke papil ñi entungeel fey mu. Welu tami chillkatual Biblia, re longkontukulayafimi kiñeke dungu, chumngechi tami femken nielmi kiñe prueba kolegio mew. Rakiduamnge tüfa, amulmi kañpüle, ayüwün mu yafüluwaymi tami kimafiel weke dungu. Ka femngechi femaymi  tami chillkatuafiel Biblia, fey yafüluwaymi tami doy kimafiel ta Jewba. Femngechi fülkonaymi Jewba mu, ka kidu fülkonay eymi mu (Santiaw 4:8).

¿Rumel allkütukefimi ka nütramkakefimi tami Chaw Jewba? (Inaduamnge parrafo 8-11).

9. Tami chillkatual Biblia, ¿chem fillke kellu müley?

9 Jewba ñi trokiñche wülkey fillke kellu taiñ chillkatual Biblia. Ti trokiñ “Wechekeche” jw.org mu, müley “Fillke küdaw ñi chillkatual Biblia”, tüfa kimeltuaeymu fillke falinke dungu Biblia ñi nütram mew. Kafey müley kiñeke kellu tami chillkatual, “Tati Biblia ñi rüf kimeltukeel” pingelu. Tüfa kelluaeymu tami doy feyentual ka tami kimeltulelafiel ta kakelu. Kafey, tami doy küme chillkatual peafuymi fillke ngülam tati chillka  ” pingelu. Tüfa kelluaeymu tami doy feyentual ka tami kimeltulelafiel ta kakelu. Kafey, tami doy küme chillkatual peafuymi fillke ngülam tati chillka  ” pingelu. Tüfa kelluaeymu tami doy feyentual ka tami kimeltulelafiel ta kakelu. Kafey, tami doy küme chillkatual peafuymi fillke ngülam tati chillka  ” pingelu. Tüfa kelluaeymu tami doy feyentual ka tami kimeltulelafiel ta kakelu. Kafey, tami doy küme chillkatual peafuymi fillke ngülam tati chillka Ti Werken numero 1, 2017, pagina 3-7. Tami küme küdawyenieal tami montuluwal, duamfalngey ta chillkatual ka rakiduamal tami papeltupeel mu. Biblia feypi: “Tami dungun kiñe küdetuwe reke feley iñche tañi namun mew, ka kiñe pelon reke feley iñche tañi rüpü mew” (Salmo 119:105).

MÜNA FALIN-NGEY TAMI NGILLATUAL

10. Pu kristiano fawtisawkülelu, ¿chumngelu fente falin-ngey tañi ngillatual?

Fill rakiduamkülelmi, “tami fanetunieetewchi dungu elkünunge Jewba mu”

10 Chillkatufilu Biblia, allkütukefimi ta Jewba, ka ngillatun mu nütramkakefimi. Welu kiñe wimtun müten trokilayafimi, kam kiñe dungu tami femafel ñi nieal “küme suerte”. Doy may, ngillatun mu rüf nütramkakefimi ta Jewba, tami Dewmaetew. Ka kidu küpa allkütueymu (papeltunge Filipense 4:6). Feymu fill rakiduamkülelmi, “tami fanetunieetewchi dungu elkünunge Jewba mu”, femngechi feypi Biblia (Salmo 55:22). Fentren peñi ka lamngen feypiafeymu tunte tañi kellukeetew tüfachi ngülam. ¡Eymi ka kelluaeymu llemay!

11. ¿Chumngelu fente falin-ngey taiñ mañumnieafiel ta Jewba?

11 Welu ngillatulayafimi ta Jewba tami kelluaetew müten. Biblia ta feypi: “Mañumtulekeaymün” (Kolosense 3:15). Kiñeke mu, fill rakiduamkülelu am tami weda rupameken mu, fey ngüneduamlayafuymi chi tati kümeke dungu tami nieel. Feymu, fill antü yafüluwafuymi tami rakiduamal küla dungu ñi mañumafiel ta Jewba. Kiñe üllcha domo Abigail pingelu, fawtisawi 12 tripantu nielu, kidu feypi: “Rakiduamün iney no rume doy mañumfalngelay ta Ngünechen mu. Rumel müley taiñ mañumnieafiel kom taiñ eluetewchi yewün mu. Longkontukuken tüfachi dungu ñi allkütuel: ‘Müntuñmangefuli kom ti dungu ñi mañumkenofiel ta Jewba, fey ¿chem nieweafun?’”.

NGÜNEDUAMNGE CHUMNGECHI TAMI KELLUKEETEW JEWBA

12, 13. ¿Chumngelu fente falin-ngey tami rakiduamal chumngechi tami kellukeetew Jewba?

12 Jewba kellufi tati longko ülmen David rupalu fillke küdawün-ngechi  dungu mu. Rupalu am tüfa, David feypi: “Kimafimün ta Jewba, ka ngüneduamaymün ñi küme piwkengen; ayüwküley tati wentru reküluwkelu Chaw Ngünechen mu” (Salmo 34:8). Tüfa pengelkey ñi falin-ngen ngüneduamal Jewba tami kellukeetew eymi tami mongen mu. Tami papeltukefiel Biblia ka fillke papil ka tami trawüluwken, fey kimkeymi chumngechi ñi kellufiel Jewba ta kakelu che ñi püntütripanoal kidu mu. Welu doy weniyefilmi ta Jewba, duamfalngeay tami ngüneduamal chumngechi tami kellukeetew ta eymi. Feymu, ¿ngüneduampeymi may tami mongen mu Jewba ñi küme piwkengen?

13 Kom iñchiñ ngüneduamkeiñ taiñ mongen mu Jewba ñi küme piwkengen, ¿chumngechi? Kidu mangelkeelumu am ta iñchiñ ñi fülkonal kidu ka tañi Fotüm mu. Feymu Jesus feypi: “Iney rume pepi küpalayafuy ta iñche mew, iñche ñi Chaw ta küpalnoeliyew” (Juan 6:44). Welu, ¿eymi kay? ¿Rakiduamkeymi Jewba tami küpaletew kidu mu? Rakiduamkeymi chi: ‘Jewba küpalfi tañi pu chaw ka iñche ina konün müten’. Welu wülkünulu tami mongen Jewba mu ka fawtisawlu, eymi weniyefimi ta Jewba. Biblia feypi: “Iney rume piwkeyefile ta Ngünechen, Ngünechen ta küme kimnieeyew ta kisu” (1 Korintio 8:3). Feymu falintufinge tami küpaletew Jewba kidu ñi trokiñche mew.

14, 15. Amuldungulmi, ¿chumngelu doy feyentuaymi?

14 Kafey, kellukeelumu Jewba tami kimeltulelafiel ta kakelu tami feyentukeel, amuldungun ka kolegio mu, femngechi ngüneduamkeymi Jewba ñi küme piwkengen. Küdawngeafuy chi tami amuldunguafiel tami kompañ kolegio mu, kimnolu kay chumngechi tami llowaetew. Ka doy küdawngeafuy nütramkalelfilmi ta kiñe trokiñche. Femngechi dungu rupalmi, ¿chem kelluaeymu?

15 Rakiduamnge: “¿Chumngelu feyentuken tüfa?”. Tami rakiduamal chem tami feyentukeel, chumngelu tami feyentukeel, ka chumngechi kimeltulelafiel ta kakelu, müna kelluafeymu tati fillke kellu ñi chillkatual mülelu jw.org mu. Femngechi rüf feyentuleaymi ka pepikawküleaymi, fey küpa nütramkayafimi ta kakelu Jewba mu (Jeremías 20:8, 9).

16. ¿Chem kelluaeymu tami müte küdawtunoal ñi nütramkayafiel tami pu kompañ Jewba ñi dungu mu?

16 Welu pepikawkülelmi rume, ka küdawtuafuymi tami nütramkalelafiel ta kakelu tami feyentukeel. Kiñe üllcha lamngen fawtisawi 13 tripantu nielu, fewla 18 tripantu niey, fey feypi: “Küme kimnien chem tañi feyentukeel, welu kiñeke mu küdawtuken ñi nütramkalelafiel ta kakelu”. Fey kidu eluwkey ñi entual ayüfal nütram, ka nütramkakey ti rüf dungu chumngechi tañi nütramkakefiel kakelu dungu. Kidu feypi: “Tañi pu kompañ küdawtukelayngün ñi nütramkayal kidu engün ñi dungu mu. ¿Chumngelu femalu iñche? Feymu petu nütramkafilu engün, feypirumekefiñ: ‘Newe chumül nga iñche kimeltulelfilu Biblia ta kiñe che, fey...’. Ka amuley  tañi nütramkalelfiel kakelu dungu. Doy nütramkanofili rume Biblia mu, kiñeke tañi pu kompañ rakiduamkülewekey, fey ramtukeenew chem tañi kimeltucheken Biblia mu. Doy femngechi femlu iñche, müte küdawtukelan ñi nütramkayafiel ta kakelu Jewba mu. Ka doy küme duamnagün”.

17. ¿Chem kelluaeymu tami nütramkayafiel ta kakelu tami feyentun mu?

17 Duamtufilmi ta kakelu, ka yamniefilmi, kidu engün ka femaeymu. Rakiduamnge Olivia ñi rupan mu, kidu fawtisawi petu pichikalu, ka fewla niey 17 tripantu, kidu feypi: “Rakiduamkefun: ‘Nütramkafili ta che, ka feypirumefili Biblia ñi dungu, rumeñma religiosongelu trokiafenew’”. Welu eluwi ñi longkontukuwenoal tüfa, doy may küme elkünutuy ñi rakiduam, ka feypi fentren wechekeche ñi kimnofiel kakelu Dungukelu Iney Ngen Jewba, tañi pu kompañ müten. Feymu kidu feypi: “Taiñ femün mew, llowafingün ti rüf dungu kam femlayayngün. Fey llükanchengeliyiñ taiñ nütramkayafiel taiñ feyentun mu, kam maneluwnon mu nütramkalelfiliyiñ, rakiduamayngün taiñ ayükenon ñi Dungukelu Iney Ngen Jewba ngen, ka weda llowafeiñmew. Welu pengelnieliyiñ taiñ küme feyentuken ka ayüfal nütram entuliyiñ, fey doy yamafeiñmew”.

KÜME KÜDAWYENIENGE TAMI MONTULUWAL

18. Küme küdawyenieal tami montuluwal, ¿chem müley tami femal?

18 Ngüneduampeiñ ñi duamfalngen küme küdawyenieal tami montuluwal. Tami femal tüfa, müley tami papeltuafiel ti Biblia ka rakiduamal fey mu, ngillatuafiel ta Jewba ka rakiduamküleal chumngechi tami kellukeetew. Femngechi femülmi, doy maneluwküleaymi tami weniyeetew Chaw Jewba. Fey doy eluwküleaymi tami nütramkayafiel ta kakelu eymi tami feyentun mu. Biblia feypi: “Welu iñche kay, kümey ñi fülkonkülen Ngünechen mu. Ñidol Ngünechen Jewba mew nien tañi ellkawpeyüm, tañi kimeltuafiel kom tami dungu” (Salmo 73:28).

19. ¿Chumngelu yafüluwaymi tami küme küdawyenieal tami montuluwal?

19 Jesus feypi: “Iney rume ayüle iñche ñi disipulungeael, kisu ngüyünentuwpe, ka eluwkülepe ñi kutrankawael [...], fey inaechimew” (Matew 16:24). Feley, tami inayafiel ta Jesus, müley tami wülkünual tami mongen Jewba mu ka fawtisawal. Tüfa kelluaeymu tami nieal küme mongen famülke mu, ka afnoachi mongen küpalechi antü mu ti we Mapu mew. Feymu llemay, eluwnge ñi küme küdawyenieal tami montuluwal.