Amual ti dungu

PU WECHEKECHE ÑI RAMTUKEEL

¿Chumngelu falin-ngey tami trawüluwal trawünwe ruka mu?

¿Chumngelu falin-ngey tami trawüluwal trawünwe ruka mu?

Pu Dungukelu Iney Ngen Jewba (testigos de Jehová) fillke semana epu rupa trawükeyngün trawünwe ruka mu. ¿Chem femkeyngün tüfey mew? Eymi amulmi, ¿chumngechi kelluaeymu? Ngüneduamnge.

 ¿Chem dungu kimeltungekey fey mu?

Feyti trawünwe ruka mu, pu che kimeltungekey chem pin Biblia. Tüfachi trawün mew, kelluaeymu tami kimal kiñeke falin dungu:

  • küme kimafimi ta Chaw Dios

  • kimaymi chem pengeli fillke dungu ñi ruparupangen Mapu mew

  • doy küme piwkengeaymi

  • kümeke weni peaymi

¿Kimkefuymi tüfa? Ti trawünwe ruka mu doy kimeltungekey ñi chumal Chaw Dios ngünenietule ta Mapu (Matew 6:⁠9, 10, Traducción del Nuevo Mundo; 24:⁠14, TNM; Luka 4:⁠43, Ngünechen ñi Neyuntükumuyümchi Chillka [NCH]).

 ¿Chumngelu kümeafuy tami trawüluwal?

Chem ñi kimeltungeal, kelluaeymu. Fillke ngülam ñi kimeltungekeel trawün mu, küpay Biblia mew. Feymu kelluaeymu tami nieal kimün (Proverbios 4:⁠5). Tati Biblia rume kelluafeymu tami küme dullial chem tami femal. Ka kelluafeymu kimal tüfachi falinke ramtun:

Tüfa ta kiñeke wewpin ñi entungeken afchi semana mu:

  • ¿Chumngelu müley taiñ ngüyülaetew chi Biblia?

  • ¿Iney mu fülkonpuafuiñ mülele kutrankawün?

  • ¿Chummekey Ngünechen ñi ngünenien ta iñchiñ mu?

Brenda feypi: “Kiñe compañ colegio mu invitafiñ ñi amual ta trawün. Fey amulu, anüiñ kiñentrür tañi familia iñchiñ. Fey iñche pengelfiñ tati lifru ñi inaduamngekeel. Rupalu chi antü, ñi compañ feypienew: ‘Müna küme entuymün tamün feypin’ pienew. Ka feypi: ‘Tañi iglesia mu, nielayngün femngechi lifru’”.

¿Kimkefuymi tüfa? Kiñe che ayüle ñi amual kiñe trawün ñi femkeel pu Dungukelu Iney Ngen Jewba, kullilayay. Konpukayafuy müten.

Fentren che kimafimi, fey yafültukuaeymu. Biblia feypi pu cristiano kiñentrür trawüluwkey ñi ‘welukonke yafültukuwal’ (Ebrew 10:⁠24, 25). Feymu trawüluwaymi küme piwkengechi che engün, duamtuchekelu ka poyekefilu ta Chaw Ngünechen. ¿Kümenoafulu tüfa?

Elisa feypi: “Fillke duam ñi nieel, ürkütripaken, ka weñangkülkeenew kütu. Welu amun mew trawünwe ruka, feyti pu che yafültukukeenew. Fey rume ayüwkülen wiñotuken tañi ruka mew”.

¿Kimkefuymi tüfa? Kom wall mapu mew, müley doy 120.000 trawünche pu Dungukelu Iney Ngen Jewba ngelu. Ka müley doy 60.000 trawünwe ruka, chew ñi trawüluwken engün. Doy fentren che puwülmekeyngün ti trawünwe ruka, feymu fill tripantu epe 1.500 trawünwe ruka dewmanentungekey.⁠ *

^ parr. 27 Tami kintual chew trawüluwal, amunge ta “Pu Dungukelu Iney Ngen Jewba tañi trawün”, fey wüla pütafnge chew feypi “Kintunge chew amual”.