Amual ti dungu

PU WECHEKECHE ÑI RAMTUKEEL

Tañi papeltufiel Biblia, ¿chumngechi kelluafenew? Trokiñ 1: Falinke dungu kintunge

Tañi papeltufiel Biblia, ¿chumngechi kelluafenew? Trokiñ 1: Falinke dungu kintunge

Briana, 15 tripantu niey, feypi: “Eluwfun ñi papeltual Biblia, welu ¡rume alüy ti lifru anay!”.

¿Ka femngechi rakiduampeymi may? Tüfachi trokiñ, müna kelluaeymu.

 ¿Chumngelu kümey tami papeltuafiel Biblia?

Fentren che afeluwkeeyew ñi papeltuafiel ti Biblia. Eymi rakiduamkeymi chi tati Biblia müna alün-ngey ka alü pichingey ñi wirin. Feymu doyümkeymi chi peal television kam fillke video, “doy ayüfali tüfa” pikeymi chi. Femngechi rakiduamülmi, weda dungu no tati.

Rakiduamnge tüfa: rünganentulmi kiñe falin cakon, ¿tunte ayüwküleafuymi kimal chem ñi nieel?

Tati Biblia kiñe falin cakon reke feley. Tüfa mew müley falinke ngülam tami kelluaetew, ¿chumngechi kelluafeymu?

  • Tami küme dullial chem femal

  • Tami küme yewküleal tami pu chaw engu

  • Tami peal kümeke weni

  • Tami weda duamkülenoal

Rume kuyfi tuwün-ngey ti Biblia, fey ¿rüf kellupeafeiñmu may famülke mu? ¡Rüf kellukeeiñmu! Chaw Dios elkünufi llemay (2 Timotew 3:⁠16). Kom ti ngülam ñi wirikonkülen, küpay Chaw Ngünechen mu.

Tati Biblia kiñe falin cakon reke feley, nielu falin kimün

 ¿Chumngechi adkünuafuymi tami papeltuafiel Biblia?

Wüne, papeltuafuymi ti wünen lifru mu puwalu afchi lifru mu. Femngechi femülmi, kimafuymi chumngechi ñi nüwkülen ti dungu. Tüfachi dungu femafuymi:

  •  Eluwafuymi tami papeltual ti lifru Génesis puwalu Apokalipsi mu.

  •  Papeltuafuymi chumngechi ñi rupan ti nütram.

Kiñe ngülam: Ti trokiñ 4-A ti folleto Guía para el estudio de la Palabra de Dios, wiringey chem rupay Jesus we miyawpalu Mapu mew ka ñi rupan kidu epe aflu ñi mongen Mapu mew.

Epu, rupamekelmi kiñe weda dungu mu, rakiduamnge chem nütram kelluafeymu, fey papeltuafimi. Rakiduamnge tüfa:

  • ¿Ayüafuymi tami nieal kümeke weni? Fey papeltuafimi chem ñi femün David Jonatan engu (1 Samuel capitulo 18 puwlu 20). Tami papeltun mu, ngüneduamnge chem dungu mew fente weniyewkefuy David Jonatan engu.

  • ¿Ayüafuymi tami doy pepikawküleal ngüchaltukungelmi femal wedake dungu? Papeltuafuymi ñi rupan ta Jose (Génesis capitulo 39). Kidu obligangey ñi femal kiñe rume weda dungu. Welu ngünewi. Fey ngüneduamafuymi chem kellueyew.

  • ¿Ayüfuymi kimal chumngechi kelluchekey ti llellipun? Ngüneduamnge ñi rupan ta Nehemías (Nehemías capitulo 2). Fey wiñoldungunge ti müleyechi ramtun mülelu ti trokiñ “Jewba allkütueyew ñi llellipun”, femngechi kimafuymi falinke dungu.

Kiñe ngülam: Kiñe püle künunge fillke dungu tami katrütuafetew, fey küme papeltuaymi Biblia.

Küla, dullinge papeltual kiñe nütram kam kiñe salmo. Papeltufinge, fey rakiduamnge chumngechi kelluafeymu ñi feypin. Fentekünulmi tami papeltun, fey ramtuwafuymi:

  •  Jewba, ¿chumngelu eli ñi wirintukungeal tüfachi dungu Biblia mew?

  •  Tañi papeltupeel, ¿chem kimeltuenew Jewba mu?

  •  ¿Chumngechi inayafun tüfachi ngülam?

Kiñe ngülam: Ti papel feypilelu Papeltuafimi Biblia (adkünu dungu) kelluafeymu tami küme entual tami papeltun.