Amual ti dungu

PU WECHEKECHE ÑI RAMTUKEEL

Llellipuli Chaw Dios mu, ¿rüf kellupeafenew?

Llellipuli Chaw Dios mu, ¿rüf kellupeafenew?

Fentren pu wechekeche feypikeyngün: “Ngillatukefiñ ta Chaw Dios”. Welu fentren engün fill antü femkelayngün. Epe kom peno ramtuwkeyngün: “Ti llellipun may, ¿re kellukeenew ñi küme duamküleal müten?”. Ngüneduamnge tüfa.

 Llellipulmi, ¿chumngechi kelluaeymu?

Eymi llellipufilmi ta Chaw Jewba, fey tüfa kiñe nütramkan feleafuy. Rakiduamnge tüfa: Chaw Dios doyküley iñchiñ mew, felefule rume, ‘alü kamapulelay kake kiñeke iñchiñ mew’ (Hecho 17:⁠27). Biblia ka feypieiñmu taiñ femafel: “Fülkonmün ta Ngünechen mew, fey kidu fülkonay ta eymün mew” (Santiaw 4:⁠8). ¿Kümenoafulu tami llellipuafiel ta Jewba?

Welu, eymi ¿chem kelluaeymu fülkonal Ngünechen mu?

  • Llellipunge. Femngechi nütramkakefimi reke ta Jewba.

  • Küme estudiayaymi Biblia. Biblia mew müley Dios ñi feypin, feymu papeltufilmi, nütramkayaeymu reke.

Feymu llellipufilmi ta Chaw Jewba ka papeltufilmi ti Biblia, tüfa kelluaeymu tami doy fülkonküleal kidu mew.

Jeremy feypi: “Nütramkafiel ta Chaw Jewba, fey tati doy küme dungu ñi nieafel tati pu che”.

Miranda feypi: “Ngillatun mu, nütramkakefiñ ta Jewba ñi chum duamküleken iñche. Fey doy fülkonküleken kidu mu”.

 ¿Rüf allkütukepeeymu Ngünechen?

Eymi feyentuafuymi rume Ngünechen mu ka llellipuafuymi rume, welu rakiduamafuymi: “¿Rüf allkütukepeenew Ngünechen?”. ¡Turpu feypilayaymi tüfa! Doy may, Biblia feypi ta Chaw Dios “ti Allkütukelu tati llellipun” (Salmo 65:⁠2). Biblia ka feypi preocupawkülelmi, nütramkafinge ta Ngünechen chem tami rakiduamelnieetew. ¿Chumngelu (chemu)? Kidu duamtunieeymu llemay (1 Pedro 5:⁠7).

Rakiduamnge tüfa: Eymi fill antü peno nütramkakefimi tami pu weni. Fey ka femngechi nütramkayafuymi ta Chaw Dios. Feymu fill antü llellipufinge, ka üytufinge tañi üy mew, Jewba pingelu (Salmo 86:⁠5-7; 88:⁠9). Tati Biblia feypi fill antü tami ngillatuleal Chaw Jewba mu (1 Tesalonisense 5:⁠17).

Moises feypi: “Llellipufiel mu iñche ta Wenu Chaw, nülakünulelkefiñ reke tañi piwke”.

Karen feypi: “Iñche tañi ñuke ka iñche ñi pu weni nütramkakefiñ falinke dungu. Fey ka femngechi nütramkalelkefiñ ta Chaw Jewba”.

 ¿Chem dungu mew llellipuafuymi?

Tati Biblia feypi: “Ngillatufimün, kelluen piafimün ka femngechi mañumtukeafimün” (Filipense 4:⁠6).

Tüfa feypi eymi nütramkayafuymi ta Jewba chem tami rupameken. Biblia ka feypi: “Tami fanetunieetewchi dungu elkünunge Jewba mu, fey kidu am yafülduamnieaeymu” (Salmo 55:⁠22).

Re wedake dungu tami rupameken nütramkalayafimi ta Chaw Dios. Ngüneduamnge ñi feypin kiñe üllcha, Chantelle pingelu, kidu feypi: “Re kelluen müten pifili ta Chaw Dios, ‘küme weni’ pilayafenew’”. Ka feypi: “Wünelu mew, müley taiñ mañumtuafiel ta Chaw Dios. Rüfkünu, pütrünke dungu müley taiñ mañumtuafiel”.

Rakiduamnge tüfa: ¿Chem dungu mew mañumtuafuymi ta Chaw Jewba? Rakiduamnge küla dungu mu, fey llellipun mew mañumtuafimi.

Anita feypi: “Adkintufiliyiñ rume kiñe küme adngechi flor, eluwküleafuiñ taiñ mañumtuafiel ta Chaw Dios”.

Brian feypi: “Ayüfilmi kiñe dungu tami peel Biblia mew kam ayüfilmi kiñe dungu ñi dewmael ta Jewba, rakiduamkülenge tüfa mew, fey mañumtufinge.