Biblia nütramkakelay ti Noche de Brujas mu. Welu ngüneduamal tüfachi kawiñ ka fillke dungu femngekelu tüfa mu, pengeli ñi nüwkülen koylake feyentun tati pu layelu mu ka pu wedake püllü mu (pefinge ti wichulechi dungu “Chew tuwi fillke wimtun Noche de Brujas mu”).

Biblia feypi: “Ngelay ñi müleal eymi mew [...] iney no rume ramtukelu tati rangiñelwelelu ta pu wedake püllü mew ka pu che engün mew” (Deuteronomio 18:10-12). Ka kiñeke che trokiwkey weda dungu no ñi adngelluwal ti Noche de Brujas mu, welu Biblia küme pengeli ñi femngeken tüfachi kawiñ mu kümelkalelay. Fey 1 Korintio 10:20, 21 feypi: “Fey iñche ayülelan eymün tamün koneltuael tati pu weküfü mew. Ngelay tamün putuael Ñidol tañi kopa mew, fey ka femngechi tamün femtuael ti pu weküfü ñi kopa mew”.

Chew tuwi fillke wimtun Noche de Brujas mu

1. Fiesta del “Final del Verano” (Samhain). Tüfachi kawiñ kristianongenolu, doy 2.000 tripantu kuyfi mu kawiñmangekefuy. Fey ti lifru Mitos celtas mu, Miranda Green wirintukuy pu che ñi rakiduamkefel tüfachi kawiñ mu: “Ti pu layechi che ñi püllü nampiyawafuy Mapu mu ka pu che amuafuy chew ñi mülen pu püllü”. Ka feypi: “Ñi femngekefel ti Fiesta del ‘Final del Verano’ petu femngekey famülke mu ti Noche de Brujas ka Pu la ñi antü mu”. Welu Biblia kimeltukey “pu layelu chem dungu no rume kimwetukelayngün” (Eclesiastés 9:5). Feymu pu layelu fülmawkülelayafuyngün pu mongelechi che mu.

2. Fillke takuwün, dulce, yewün ka ayekan dungu. Ti lifru Halloween—An American Holiday, An American History feypi kiñeke kuyfike che, celta pingelu, takutuwkefuy ñi adentuafiel ta Weküfü, femngechi pu weküfü wedalkalayafuyngün ka rakiduamafuyngün pu celta ñi püllüngen. Kakelu che elukefuy dulce ñi tüngduamelafiel pu püllü. Edad Media Europa mapu mu, pu longkolechi katoliko inanierpuyngün fentren wimtun kristiano ngenolu, fey yafültukufi ñi pu inaniekeetew ñi tukutuwal fillke takuwün ñi kawiñmangeal Pu la ñi antü ka ñi rupayal fill ruka püle ñi elungeal yewün, fey ñi ngillatuñmayafiel pu layelu. Biblia ngülamtukey ñi inanoal ti koylake feyentun, welu may ñi rüf poyeafiel ta Ngünechen (2 Korinto 6:17).

3. Pu kalku, vampiro ka hombre lobo. Tüfa trokingekey ñi fülkonkülen pu wedake püllü mu. Ka Biblia küme pengelkey taiñ famentuafiel feychi wedake püllü (Efesio 6:12). Feymu ngelay taiñ kawiñmayafiel.

4. Noche de Brujas mülechi calabaza. Edad Media Gran Bretaña mapu mu, pu che amukefuy “fill ruka püle ñi elungeal iyael, fey ñi ngillatuñmayafiel pu layelu”. Pu ngillatukelu yeniekefuy “pelontuwe dewmangelu kiñe tukukan rabano reke kawüshkangelu, tañi fela adentulefuy ti am mülekalu purgatorio mew” (Halloween—From Pagan Ritual to Party Night). Kafey kiñeke che feypikey feychi pelontuwe famentukefuy ti wedake püllü. Fey 1800 tripantu püle, America del Norte mapu mu, ti rabano welukünungey calabaza mu, tüfa am doy küdawngelafuy ñi nieal, kawüshkangeal, ka widüngeal. Kom tüfachi wimtun nüwküley ti feyentun ñi mülen kiñe lakenochi am, purgatorio ka ngillatuñmayafiel pu layelu, welu nüwkülelay Biblia mu (Ezequiel 18:4).