Amual ti dungu

Pu Dungukelu Iney Ngen Jewba

Dullial kewün dungu mapudungun

¿Chumal mongeleiñ?

¿Chumal mongeleiñ?

Biblia ñi kimeltukeel

Fillke dungu mu inaduamngeafuy tüfa. Kiñeke che ramtuafuy chi: “¿Chumngelu mongeleiñ? Kam, ¿chumal mongeleiñ?”. Biblia feypi dewmangeiñ taiñ weniyeafiel ta Ngünechen. Taiñ küme adümal tüfa, inaduamafiyiñ kiñeke duamfalchi rüf dungu pengelkelu ti Biblia.

  • Chaw Ngünechen dewmaeiñmew. Biblia feypi: “Kidu am dewmaeiñmew, ka ngen-ngey iñchiñ mu” (Salmo 100:⁠3; Apokalipsi 4:⁠11).

  • Kiñe duam mu Chaw Dios dewmafi tati pu che ka itrokom ñi mülen (Isaías 45:⁠18).

  • Ngünechen dewmaeiñmew ‘taiñ duamtunieal ta llowal Ngünechen ñi küme dungu’, feymu küpa kimkeiñ chumngelu mongeleiñ (Matew 5:⁠3). Ka kidu ayükey taiñ kimürpual tüfa taiñ küme duamküleal (Salmo 145:⁠16).

  • Newentuliyiñ ñi doy kimafiel ka weniyeafiel ta Ngünechen küme duamküleafuiñ taiñ llowal Ngünechen ñi küme dungu, tüfa pepilfali tati. Feymu tati Biblia feypieiñmew: “Fülkonmün ta Ngünechen mew, fey kisu fülkonay ta eymün mew” (Santiaw 4:⁠8; 2:⁠23).

  • Ñi weniyeafiel ta Jewba, müley taiñ femal kidu ñi ayünieel, fey tüfa mu dewmangeiñ iñchiñ. Tati Biblia kimeltukey Ngünechen tañi duam: “Ekuniefinge tati rüfngechi Ngünechen ka inaniefinge tañi werkün dungu, tüfa müten müley ñi femal kom pu che” (Eclesiastés 12:⁠13).

  • Küpalechi antü mu femtriparpuay Ngünechen tañi ayükeel pu che mu, kidu apümkayafilu am ti kutrankawün ka eluafi afnoachi mongen kom tañi pu nor piwkeyekeetew (Salmo 37:⁠10, 11).