Biblia ñi kimeltukeel

Tati Biblia feypikelay chem antü ñi choyüngen Jesus, ka feypikelay taiñ kawiñmanieal tüfa. Kiñe lifru feypi: “Tati kawiñmaniekeelchi antü Navidad pingelu, Chaw Ngünechen werkükelaeiñmu ñi kawiñmangeal, ka tati Nuevo Testamento tuwlay” (Cyclopedia of Biblical, Theological, and Ecclesiastical Literature, John McClintock ka James Strong).

Ngüneduamngelu ti Navidad kimfalkünuy ti koylake religion mu ñi tuwün-ngen. Biblia pengelkey Chaw Ngünechen lladkükey femngechi ñi poyengeal kidu, doyelchi may tüfa mu yamlayafuiñ ta Chaw Dios (Éxodo 32:5-7).

Ti Navidad ñi nütramkangekeel

  1. Ti kawiñ Jesus ñi choyüngen: Kiñe lifru feypi, tati pu kristiano wünen siglo mew kawiñmakelafuyngün Jesus ñi puwültripantun “rakiduamkefuyngün tüfachi kawiñ [...] kuyfike koylake wimtun ñi tuwün-ngen(Las cosas nuestras de cada día).

  2. 25 diciembre: Rüf kimnieiñ Jesus ñi choyüngenon 25 antü diciembre küyen mu. Feymu tati longkolechi religioso dullingün kiñe antü ñi kawiñmangeal, femngechi trürümngeal ti kawiñ epe akuchi pukem mu.

  3. Yewün, kawiñ ka ilelkawün: Kiñe lifru, La Enciclopedia Americana feypi: “Ti Saturnal, fey tüfa kiñe kawiñ femngekefulu roma mew, kawiñmakefuyngün rangi diciembre küyen mu, femngechi eluwi ñi femngeal fillke wimtun ñi kawiñmangeal ti Navidad. Ti Saturnal mu entungey ti ilelkawün, wülngeal yewün ka üyümal fela”. Feymu, ti Diccionario de historia de la Iglesia feypikey: “Tati fütrake ayekan ka wülngeal yewün ti Saturnal kawiñ mu tuwün-ngey (17-24 diciembre küyen)”. Kafey ti Enciclopedia Britanica feypi: “Petu kawiñmangelu ti Saturnal tati pu che küdawkelafuyngün”.

  4. Fillke pelon ñi adngeal ti ruka Navidad mu: Kiñe lifru La Enciclopedia de la Religión pingelu, nütramkakey tati reñmawen Europa mapu mu adelkakefingün tañi ruka “fillke pelon ka tapül anümka” ñi kawiñmangeal akuchi pukem ka ñi ingkañpewal tati wedake püllü mu. Ka ti Diccionario de historia de la Iglesia feypi: “Tati karü pichike anümka ka fillke pelon tuwingün ñi kawiñmangeal ti wünen antü enero mu nüwkülelu ti Antü mu (1 enero, nuevo año)”.

  5. Acebo ka muerdago mu ñi adelkakefiel ti ruka: Tüfachi epu anümka mu, tati pu che adelkakefingün tañi ruka ñi kawiñmangeal ti Navidad. “Tati pu sacerdote celta trokikeyngün ñi wülkeel küme felen ti muerdago. Ka ti acebo ñi tapül püramyengefuy ta wiñotual ti Antü mu(La Enciclopedia Americana).

  6. Navidad ñi anümka: Ti Enciclopedia Britanica feypi: “Tati pu kristiano ngenochi che Europa tuwlu poyekefulu ti anümka, fey kristiano ngetulu engün amuley ñi poyefiel ti anümka”. Kiñe wimtun entukelu tüfachi dungu, fey “ñi elkünual kiñe anümka wülngiñ mu kam ponwi ruka mu petu kawiñmangelu ti pukem”.