Amual ti dungu

Pu Dungukelu Iney Ngen Jewba

Dullial kewün dungu mapudungun

¿Chumngechi adkünuafuymi tami papeltufiel Biblia?

¿Chumngechi adkünuafuymi tami papeltufiel Biblia?

Tati Biblia elukeeiñmu tati doy kümeke ngülam. Feymu papeltuafiyiñ, rakiduamaiñ taiñ papeltupeel mu ka inayaiñ taiñ kimürpuel, femngechi kümeyawaiñ taiñ mongen mu (Josué 1:⁠8; Salmo 1:⁠1-3). Kafey papeltufiliyiñ Biblia, kimürpuafiyiñ ta Chaw Dios ka tañi Fotüm Jesus, fey tüfa montulafeiñmu (Juan 17:⁠3).

¿Chumngechi adkünuafuymi tami papeltufiel Biblia? Fillke dungu femafuymi. Tüfachi adkünu dungu kelluaeymu tami papeltuafiel Biblia kom kiñewün mu kam wüneke trokiñ mew. Kiñe dungu tami femafel, papeltuafuymi kiñeke trokiñ pengelkelu Chaw Dios ñi feypikefiel ka femkefiel ta pu israelche. Kafey papeltuafuymi kakelu trokiñ pengelkelu chumngechi ñi tremkülerpun tati cristiano trawünche. Fill antü inafilmi tüfachi papel tami kimal tunte capitulo tami papeltuafel, kiñe tripantu mu papeltuafuymi ti Biblia.

¿Ayüafuymi tami nieal kiñe kellu tami papeltuafiel Biblia? ¿Kiñe tripantu mu küpa papeltupefimi? Kam, ¿we eluwkeymi chi tami papeltuafiel? Tüfachi papel kelluaeymu tati. Feymu fachantü eluwafuymi tami papeltual. Tüfa tami femafel: entuafuymi tüfachi Adkünu dungu tami papeltuafiel Biblia, kafey entuwiriafuymi.