Ga’kʉnamʉ A’nikwʉn Nuga’ba Zweykwa

Jeuwá sí Ga’yeyka ɟina

Aseykumʉya ʉnkaguka ú Arhuaco

Chʉwi zanamʉ kʉchona awʉngwa nʉnno

Chʉwi zanamʉ kʉchona awʉngwa nʉnno

Mari azi nikwe . . .

  • ey awʉngwa ni

  • kwa... au nʉngwa ni

  • kwa... ey kiawagwi

 BIBRIASEʼ YEYKARI

“[M]aukwaʼ neykari kuʼ nanʉngwa ni, eygwi neki awichu na nʉngwa, meʼneysʉkwa ku nʉngwa, reʼkánʉkwa kineki”. (Revelación [Apocalipsis] 21:3, 4, Traducción del Nuevo Mundo).

TAʼ NɄRIWIA UNIGEʼRI MIKAʼMɄKANA AWɄNGWA NI

Chʉwi meʼzanʉkwari Niwipaw kawi nanu ni niweʼzʉn awʉngwa ni (Santiago 1:13).

Chʉwi niweʼzanʉn nugeʼki Niwipawseʼri eygwi agʉnkwʉyaná niweʼzʉn unigeʼri tanʉ niweʼkusa awʉngwa ni (Zacarías 2:8).

Awiri tʉkinri chʉwi niweʼkussʉya ʉnkuʼnába kwʉn nʉngwaná niweʼzanʉngwa ni (Salmo 37:9-11).

 AZI NAME BIBRIA TAʼ YEYKA NÁ NIWEʼZANɄNNO

Bay mowga ɉuna sekʉnanʉn:

  • Niwipawri chʉwizanamʉ awiri du rigaʼguku neykari aguzanu neyka ni. Birindi Jeuwá azey powru chʉwi aʼkukumʉn nuseʼri Ari azi aʼzare. Bibriaseʼ yeykari aɉwa powruseʼ chʉwi aʼkussi “zi aʼsʉn” nugin aʼzareri A chʉwi akukʉmáygwi aʼzʉnna yeyka ni (Jueces 2:18, Traducción del Nuevo Mundo).

    Niwipawse’ri, ikʉ iʼngeygwi chʉwi aʼkussi zoyari aguzanu neyka ni. Bibriaseʼ yeykari ikʉ du arunhu nari iʼngeygwi “dú arunhʉya ɉwa dosʉngwási zoyari”, Aseʼ aguzanu neyka ni (Proverbios 6:16, 17).

  • Niwipawri azey azey ikʉ chʉwi ʉnkʉreʼgow uwa ni. Nʉʼn nʉkin chʉwi nazari “deʼ naʼzʉnin” meʼzanʉnke, Jeuwáse’ri ey aʼzanʉnri ey minwanʉn nuga ni (2 Crónicas 6:29, 30, La Palabra de Dios para Todos).

    Niwipawseʼ sakuku reʼgownaseʼ pari azey azey ikʉ chʉwi aʼzari uwari igunamʉsa awʉngwa ni awiri chʉwizanamʉri kʉchunha awʉngwa ni (Mateo 6:9, 10). Ayéy ʉnchonukingwi nʉnke, Así taʼni aʼzari zwein nugari, chʉwi kʉnisi gaʼkʉnamʉsin winigunamʉsʉn nuga ni (Hechos 17:27; 2 Corintios 1:3, 4).

 REʼZASISA Ú

Chʉwi zanamʉri, iari Niwipawseʼ kʉchunhu kingwi nʉnno

Emʉnke nʉtaka awʉndi, ey uwame ní meʼzʉn awʉngwa ni. ROMANOS 5:12 awiri 2 PEDRO 3:9.