Ga’kʉnamʉ A’nikwʉn Nuga’ba Zweykwa

Jeuwá sí Ga’yeyka ɟina

Aseykumʉya ʉnkaguka ú Arhuaco

Tʉkinri azi zanʉngwa na meʼzano

Tʉkinri azi zanʉngwa na meʼzano

Mari azi nikwe . . .

  • akingwi zanʉngwa ni

  • kwa... ingumʉ́n du zanu nʉngwa ni

  • kwa... eygumʉ́n du zarika awʉngwa ni

 BIBRIASEʼ YEYKARI

“[M]aukwaʼ neykari kuʼ nanʉngwa ni, eygwi neki awichu nʉngwa, meʼneysʉkwa kuʼ nʉngwa, rekánʉkwa kineki. Meʼzánʉkwa nʉnna ni zʉʼn, ɉʉkwa nʉngwa ni.” (Revelación [Apocalipsis] 21:3, 4, Traducción del Nuevo Mundo).

TAʼ NɄRIWIA UNIGEʼRI MIKAʼMɄKANA AWɄNGWA NI

Nikamʉ ukumʉyari du niwikʉnchori zweingwa ni (Isaías 65:21-23).

Chʉwizanamʉ kʉchona awʉngwa ni awiri niweʼmʉchi neki niweʼzanu nʉngwa ni (Isaías 25:8; 33:24).

Niwisinamʉ awiri niwiɉúnʉkʉnʉ ɉinasinri zeyzey niweʼzari aʼkwa kin akwʉngwa ni (Salmo 37:11, 29).

 AZI NAME BIBRIA TAʼ YEYKA NÁ NIWEʼZANɄNNO

Bay mowga ɉuna, sekʉnanʉn:

  • Niwipawri ɉumamʉ kʉnʉna name eymí zákusʉnʉngwa ni yeykari ʉnchunha awʉngwa ni. Bibriaseʼ yeykari, Niwipaw nʉkin “pinnázey nari ɉumamʉ kʉnʉna ni”, awiri ɉumamʉri iʼtikumu neyka ni yeyka ni (Revelación 15:3). Ey uwame, kaʼgʉmʉseʼ du zákusa awʉnʉngwa ni yeykari emí zakusʉngwaná niweʼzʉna ni, Aseʼri ʉnchungʉkwéy kʉnʉna name. Bibriaseʼ yeykari: “Niwipawseʼ kinkiri inʉ nenʉn awkwéy gunti kʉnʉna zʉnʼ gun nandi” (Luka 18:27, GD).

  • Niwipawri ayéy gaʼkʉnamʉ ʉnchunha awʉn aʼyuna ni. Ey uwame, Bibriaseʼ yeykari Jeuwári wichana neyka chʉká aʼkussa awʉn aʼyuna ni (Job 14:14, 15).

    Iʼngeygwi wasʉyari Niwipaw zʉ Gʉmʉsinʉ, Jesu zaʼkinugari, ikʉ aʼmʉchi aʼzʉna du aʼkussa una. Ey uweʼki, Azi name du aʼkussa unʉnno, Aseʼri igunamʉsa awʉn ayuname eynisʉn (Marku 1:40, 41). Ey awʉndi, Jesu eymí uninari Jeuwá ikʉ winaʼzaná ku neyka igunamʉsa awʉn aɉunʉya chwizʉnhaʼsi eynina naʼnʉnno (Juan 5:19).

    Ey awʉndi, Jeuwá awiri Jesuri eymi niʼname gwʉn du zakussʉngwáy naʼkínno niweʼzʉna ni (Salmo 72:12-14; 145:16; 2 Pedro 3:9).

 REʼZASISA Ú

Azi nisi Niwipawri kaʼseʼ du zákussa awʉngwa nʉnno

Emʉnke nʉtaka awʉndi, eymí nikʉngwa ná meʼzʉn awʉngwa ni MATEO 6:9, 10 awiri DANIEL 2:44.