Ga’kʉnamʉ A’nikwʉn Nuga’ba Zweykwa

Jeuwá sí Ga’yeyka ɟina

Aseykumʉya ʉnkaguka ú Arhuaco

Inʉ kaʼgʉmʉseʼ reʼgukʉn nuga no

Inʉ kaʼgʉmʉseʼ reʼgukʉn nuga no

Mari azi nʉyʉ́nno . . .

  • Niwipawseʼ

  • kwa... ʉnke kwʉnnugaseʼ

  • kwa... iʼngwi ánugwe neykaseʼ

 BIBRIASEʼ YEYKARI

“Kaʼgʉmʉseʼ pin zʉnáy ikʉnusiseʼ gunti reʼgukʉn nuga ni.” (1 Juan 5:19, Traducción del Nuevo Mundo).

“Niwipaw zʉ gʉmʉsinʉri kaʼseʼ naka una ni, ikʉnusiseʼ unikʉn nugari kʉchunha awʉngwasi.” (1 Juan 3:8).

TAʼ NɄRIWIA UNIGEʼRI MIKAʼMɄKANA AWɄNGWA NI

Eymí nari keywʉ bunigʉmʉri ʉnpesana ni niweʼzʉn awʉngwa ni (Revelación [Apocalipsis] 12:12).

Ey unigeʼri kaʼseʼ du zanika awʉngwa neykari ʉnkiwaka awkwa nʉngwa ni (1 Juan 2:17).

 AZI NAME BIBRIA TAʼ YEYKA NÁ NIWEʼZANɄ́NNO

Bay mayʼkʉnʉ ɉuna sekʉnanʉn:

  • Ikʉnusiseʼ reʼgukamʉ kʉnanʉn nugari ekʉchona awʉngwa ni. Jeuwári Ikʉnusi eygumʉ́n ikʉ kʉreʼguku nʉngwasi “kʉchunha awʉngwa ni.” Aseʼri ikʉnusiseʼ waʼmʉ isana neykari du kʉkussa awʉngwa ni, awiri eygwi neki reʼgukʉn nuku nanʉngwasi ey awʉngwa yeyka ni (Hebreos 2:14, Traducción del Nuevo Mundo).

  • Jesukristuri sakuku nʉngwa nari Niwipawseʼ ʉnkaʼguka una ni. Ikʉnusiri kaʼseʼ waʼmʉ sey zwein nuga ni ey uweʼki Jesuri diwʉ́n kinki neyka ni. Awi nʉnkʉri, Niwipaw yeykari Kristuseʼ pari “ikʉ nasi chʉwi aʼzari aʼzanaku neykari chʉwi ʉnkʉreʼgow awʉnʉngwa ni, awiri chʉwi aʼkukumi kuké aʼzari kwʉn nugari ikwa awʉnʉngwa ni” (Salmo 72:13, 14).

  • Niwipawri digasáykwa kʉnanu neyka ni. Bibriaseʼ yeykari “Niwipawri ingʉ́ kineki digasáykwa kʉnanu neyka ni” (Hebreos 6:18). Ey uwame, Jeuwáseʼ eymí awʉn nʉngwa ni yeykari, ayéy anʉnchunha unasʉn taʼ neyka ni (Isaías 55:10, 11). Aseʼ yá una neykari “sakuku kaʼgʉmʉseʼ zanʉnri anawite awʉn nʉngwa ni” (Juan 12:31).

 REʼZASISA Ú

Ikʉnusiseʼ reʼgukʉn nuku nʉngeʼri azi zanʉngwa nʉnno

Emʉnke nʉtaka awʉndi, eymí zanʉngwa ná meʼzʉn awʉngwa ni SALMO 37:10, 11 awiri REVELACIÓN 21:3, 4.