Ga’kʉnamʉ A’nikwʉn Nuga’ba Zweykwa

Jeuwá sí Ga’yeyka ɟina

Aseykumʉya ʉnkaguka ú Arhuaco

Niwipawri inʉsin kaʼgʉmʉseʼ du zákussa awʉngwa nʉnno

Niwipawri inʉsin kaʼgʉmʉseʼ du zákussa awʉngwa nʉnno

Mari azi nikwe . . .

  • Aseʼ reʼgukʉngwasi chusanasin

  • kwa... sakuku kaʼseʼ reʼgukʉn nugasin

  • kwa... aɉwasinkʉchʉ

 BIBRIASEʼ YEYKARI

“Niwipaw kuʼnawa zanʉnri iʼngwi sakuku aʼkwakin reʼgukʉngwanari unaka awʉngwa ni.” (Daniel 2:44, Traducción del Nuevo Mundo).

“Iʼngwi gʉmʉsinʉ niweʼwekumaki nuga ni. Ari Sakuku nanʉngwa nari ɉumamʉri Aseʼ nʉʼkin igekwʉngwa ni.” (Isaías 9:6).

TAʼ NɄRIWIA UNIGEʼRI MIKAʼMɄKANA AWɄNGWA NI

  • Ema sakukuri duna name azey azey du niwingunámʉnsa awkwey kʉnʉna ni (Luka 11:28).

  • Ari bin zanuʼgwi kaʼgʉmʉseʼ du zákussa awʉngwa ni, ey unigeʼri niweʼmʉchu nari zeyzey niweʼzari akwʉngwa ni (Revelación [Apocalipsis] 21:3, 4).

 AZI NAME BIBRIA TAʼ YEYKA NÁ NIWEʼZANɄNNO

Bay mowga ɉuna sekʉnanʉn:

  • Niwipawseʼ reʼgukʉngwasi chusana nikʉngwa neyka Jesuseʼ minsaʼgwi chwizʉnhaʼsa una ni. Jesu zawia nari, kaʼseʼ eyma sakuku du zákussʉn naka awʉngwásiri, Niwipaw gwamʉ ʉnkaʼsisʉkwa key Asin ʉnkʉchunkʉya ɉinari awía una ni (Mateo 6:9, 10). Awiri A, kaʼseʼ nʉnkweʼri, ayéy ʉnchona awʉngwa neykari chwizʉnhaʼsa una ni.

    Jesu kaʼseʼ nʉnkweri ikʉ mari aʼzanʉri zamʉ aʼkawagwi una, awiri aʼmʉchi aʼzʉnari du aʼkussa, awiri ikʉ wichana nenʉn chʉká aʼkussa una ni (Mateo 15:29-38; Juan 11:38-44). Ari duna neyka unika una ni, emi Niwipawseʼ sakuku kinki ʉndegowkí nukʉnge, Así winaʼzʉna igunamʉsʉngwa neyka chwizʉnhási eyniʼna ni (Revelación 11:15).

  • Iwa chʉwi meʼzari kwʉn nʉkʉkwa kawari, Niwipawseʼ reʼgukʉngwasi chusanari, mʉʼchéy name izʉnʉn nuga ni. Jesu yanari, Niwipawseʼ reʼgukʉngwasi chusana kaʼseʼ du zákussʉn nakukingwiri kaʼgʉmʉseʼri marizanamʉ, ʉnkapari awiri kaʼmʉnsa zʉn oʼ aʼzarika awʉngwa ni yana ni (Luka 21:7, 10, 11).

    Iwari ayéykʉchʉ anʉnchóri zwein nugaʼba kwʉn nukʉkwa kawa ni, ey uwáme gwʉn, Niwipawseʼ reʼgukʉngwasi chusanari bin zanuʼgwi chʉwi zanamʉri kʉchunha awʉngwa nakinno niweʼzʉna ni.

 REʼZASISA Ú

Niwipawseʼ reʼgukʉngwasi chusanari ayéy kinki ʉnreʼgukʉn nukʉngeʼri, azi zanʉngwa nʉnno.

Emʉnke nʉtaka awʉndi, eymí zanʉngwaná meʼzʉn awʉngwa ni SALMO 37:29 awiri ISAÍAS 65:21-23.