Ga’kʉnamʉ A’nikwʉn Nuga’ba Zweykwa

Jeuwá sí Ga’yeyka ɟina

Aseykumʉya ʉnkaguka ú Arhuaco

Mari Bibria inʉ ni nʉyʉ́nno

Mari Bibria inʉ ni nʉyʉ́nno

Mari azi nʉyʉ́nno . . .

  • bunachʉzey zʉ’n

  • kwa... Aʼsakʉchʉ zʉ’n ukumana

  • kwa... Niwipaw zʉ Gaʼkʉnamʉ

 BIBRIASEʼ YEYKARI

“Yow gaʼkʉnamʉ aʼnikwʉn nugari Niwipawseʼ niwikugaʼsana ni.” (2 Timoteo 3:16, Traducción del Nuevo Mundo).

TAʼ NɄRIWIA UNIGEʼRI MIKAʼMɄKANA AWɄNGWA NI

Gaʼkʉnamʉ azi gwasi ni meʼzanu na nʉndi Bibriaseʼ taʼ neyka nʉriwia awiza ni (Proverbios 2:1-5).

Ey unigeʼri eymi nikʉndi du meʼzari kukwéy nanʉyaná meʼzanʉngwa ni (Salmo 119:105).

Awiri eygumʉ́n du zanʉngwa neyka nʉnkiwakʉkwí mikʉnanʉngwa ni (Romanos 15:4).

 AZI NAME BIBRIA TAʼ YEYKA NÁ NIWEʼZANɄNNO

Bay mayʼkʉnʉ ɉuna sekʉnanʉn:

  • Nanʉyʉʼkin wásʉya ni. Bibriari Niwipawseʼ 40 cheyrwa naseʼ pari gawʉngwasa una ni. 1.600 kʉggi nanʉkin zare gugín akumana ni. Ikʉnhari iʼngwí zʉʼn windinhaɉwaʼsa una ni, ey uweʼki dikin ʉnkʉrigʉnsi kinare awanʉkwéy kawi gaʼkʉnamʉri aʼnikwʉn nuga ni.

  • Azi zʉnnʉndi zʉnnʉʼkin winaʼsa una ni. Iʼngwí ikʉri ikʉnha winkʉzʉn uwa nʉngwa paperiseʼ winaʼsu neyka ni, ey uweʼki, Bibria winaʼsʉyari azi ninʉndi ninʉʼkin winaʼsa una ni (2 Crónicas 36:15, 16; Salmo 51:1-4).

  • Gaʼkʉnamʉri aʼnikwʉyáy ʉnchori zwein nuga ni. Iʼngwi powru bema gwasiri eygʉmʉ́n aʼzʉna, Babironia zaʼkinugaʼba, ikʉ winkwana, ey unari kʉchunhaʼkuma una ni. Bibriaseʼri 200 kʉggi eyki kawʉn nusi, eymí awʉngwa ni aʼkumana nʉnna ni (Isaías 13:17-22). Awiri, eymáseʼ eymí nisi nanʉngwa ni aʼnikwanari ayéy ʉnchona una ni (Isaías 45:1-3).

    Awiri Bibriaseʼri aɉwa zanʉngwa aʼnikwanari, ʉnchonagwi una ni. Ey uwameʼgwʉn, Bibriari taʼ yeyka ná niweʼzʉna ni (2 Pedro 1:21).

 REʼZASISA Ú

Azi nikwʉndi Niwipaw zʉ Gaʼkʉnamʉri nʉkaʼmʉkana awʉnno

Emʉnke nʉtaka awʉndi, eymí nikʉkwa ná meʼzʉn awʉngwa ni ISAÍAS 48:17, 18 awiri 2 TIMOTEO 3:16, 17.