Ga’kʉnamʉ A’nikwʉn Nuga’ba Zweykwa

Ga’kʉnamʉ A’nikwʉn Nuga’ba Zweykwa

Jeuwá sí Ga’yeyka ɟina

Aseykumʉya ʉnkaguka ú Arhuaco

 REʼNIKɄYAʼBA 5

Kaʼseʼ ɉe koʼ zarika ukweʼri, inʉseʼ Niwipaw aʼnoʼse

Kaʼseʼ ɉe koʼ zarika ukweʼri, inʉseʼ Niwipaw aʼnoʼse

Noé kwayeri ikʉ du nanu neyka zʉ’n winnisi winkwana (Génesis 6:5)

Adán awiri Ewa gʉmʉsinʉ winkʉnarín. Bín zanugwi sʉmʉ ikʉ kaʼseʼ winkwayʉn. Ey uyeʼri iʼngeygwi ánugwe gʉnsinnáy nika uyʉn, Ikʉnusi nináygwi.

Kuʼnawa pari winɉuna awiri ikʉ winʉnkʉkusa uyʉn, aʼmiasin ʉnkachwi winkwʉn ayuname. Ey unari gʉmʉsinʉ du niku neyka keywʉ winʉkachonʉnparín, aɉwa ikʉ gwasiri warin kawa awiri ɉumamʉ winkʉnʉna narin.

Ey unari kaʼseʼ ikʉ du niku neyka zʉʼn kwayʉn. Bibriaseʼ yeykari: “Jeuwá kaʼseʼ waʼka uyeʼri cheyrwari sʉmʉ waʼmʉ sʉn zʉ’n nusʉn” awiri ikʉ sigin zʉnʉʼkin waʼmʉ zakusʉnʉngwa zʉ’n winarunhín.

 Noéri Niwipaw aʼnoʼkwa awiri kʉnowa gow una (Génesis 6:13, 14, 18, 19, 22)

Noéri cheyrwa dúna narín. Ey uwame, Jeuwáseʼri kaʼseʼ ɉe koʼ zakʉsa awʉnʉngwa ni, diruwiu zaʼkinugasʉn, ikʉ du nanu neyka kʉchunha awʉnʉngwasi, kʉyana.

Iʼngwi kʉnowa awʉ́n kawi maʼkeywa gunsʉnʉ kʉnʉna, ɉeʼseʼ ichunʉkwí kawi gow ú, Jeuwáseʼ kʉyana. Noéri asinamʉ awiri pinna ɉuna anáʼnugasin winchona awkwa ni kʉyana.

Ey unari Noéri ikʉ gaʼkʉya uyʉn, diruwiu nakʉngwa name, ey uyeʼki, aganoʼku zʉ’n nʉnna. Iʼngwiseʼri isema awiri iʼngwiseʼ nʉnkʉry ó zʉ’n agawarín.

Noéri kʉnowa gawi kʉchunha uyeʼri, pin anáʼnugasʉn winchona una ni.