1. Xai nâ kèè toa rè saa?

Iööva wînâ mwâmwaa dèèri mîî kae xêgwéré saa nèpwéé kètè agwii

Dö saa toa nâ tö xû nêdöö döbwa Satan ché mö nâ kêrê-fi. Tö ù nâbu rè, Satan na chaa ange xöru, nä è “si xwata nâ döu.” (Jean 8:44) È xörii nâ mê pè ùbwa rè Iööva. È fi nâ Ève, è xörii mê saxwêrê niè ta Iööva. Adam wâ fèèté Ève: niè bare è ngûchèfa taa Iööva. Niè xwi puu-rè mê nîî cemîâ mê nîî paiimè.​—Fârâ Genèse 3:1-6, 19.

Satan è sii xwèrii mê dèèri saxwêrê tèpe rè Iööva. Kèèrè bwa è xwi nâ wâ Ève tö ù nâbu rè nêmwâ niè “aaxa rè dèèri.”​—Fârâ Jean 14:30; 1 Jean 5:19.

2. È saa kae nâ êêrê xwi rè Iööva?

Mîî döbwa Iööva xwi nâ è xöru. Dèèri tö nêdöö mê dèèri tö nèxöö è du kèè xwata xöru rè ri Iööva. (Deutéronome 32:4, 5) È suè wâ nîî kèè uxä döu xöru mê döu saa. Dö nâ è xùxù nâ nîî xömè nîî xacië xwânârâ rè nîî ce è.​—Fârâ Jacques 1:13-15; 1 Jean 5:3.

3. È wîjè Iööva wînâ nâ kèè cemîâ ti xwânee anâ?

Iööva wînâ nâ dèèri mê ri gnù chèfa tiwâ chapùké daa. È wîjè? Kêrê xana mê xacië mê kèè si xwata Iööva è saa xù dèèri. (Ecclésiaste 7:29; 8:9) Nèdee 6 000 xwada kêrê faxwata è baa nâ döu: mîî nâkârâmè rè tèpe si xêgwéré mê sawi taa pia, paiimè, dö saa mê paii.​—Fârâ Jérémie 10:23; Romains 9:17.

Kwânyî tèpe Iööva xöru xù wé mîî bwa ri xwata è taa kwânyî tèpe dèèri. (Isaïe 48:17, 18) Sii  mwaa mê Iööva sawitaa kwânyî tèpe dèèri. Dö chaa mîî dèèri bwa ri ùxä è nä muru rè tö nêdöö.—Isaïe 11:9.​—Fârâ Daniel 2:44.

4. Jööpè xwi mê Iööva nä ra tââ?

Xù Satan wâ siè chaa kâmûrû mê saxwêrê Iööva kèè dö xwânârâ. Wî kae nâ ché-paa kêrê-fi nâ? È dù! Kèè tââ rè Iööva wînâ xù nîî mê nîî xacië mê nîî xwèrii kwânyî tèpe rè Iööva taa êê kâmûrû. Nîî xacië döbwa nîî ùxä töwâ kèè muru rè nîî.​—Fârâ Job 1:8-12; Proverbes 27:11.

5. Nîî xörii kae mê Iööva Aaxa rè nîî?

Kèè xwirè nîî xacië mê nîî xwèrii Iööva kèèrè Aaxa

Nîî ùxä Iööva mê Aaxa rè nîî döbwa nîî picè mê xwi xiti bwa è fèèté döbwa Pèci Xiti ché. (Jean 4:23) Nîî si xwi kèè xwirè Satan nîî xwi xwa kèè xwirè Iésu, nîî nöö mwaa rè ta politique mê pia.​—Fârâ Jean 17:14.

Satan xù ngê xëtë rè mê fa xwi ngê nîî döu saa. Döbwa nîî si xwi mîî dönâ ri futu nîî, pa bé nîî miiri nîî. (1 Pierre 4:3, 4) Xömè nîî ùxä nîî nä kae fècè mîî dèèri bwa ri xwèrii Iööva? Nîî nä kae fèèté mîî tî bwa è xöru? Döbwa mê ùù, nîî xacië mê Satan fi mê chaa kâmûrû è si dù kèè saxwêrê Iööva.​—Fârâ 1 Corinthiens 6:9, 10; 15:33.

Xwânârâ rè Iööva ce dèèri xacië mê saa mê cemîâ wâ nâ cokwâ rè. Wé mîî bwa ri xacië mê atîrî dönâ ri nä muru mwâmwaa tö xû nêdöö.​—Fârâ Jean 3:16.