በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

የይሖዋ ምሥክሮች

አማርኛ

የብልግና ምስሎችን መመልከት ሱስ ከሆነብኝ ምን ላድርግ?

የብልግና ምስሎችን መመልከት ሱስ ከሆነብኝ ምን ላድርግ?

ምን ማድረግ ትችላለህ?

የብልግና ምስል ርካሽ ነገር መሆኑን ተገንዘብ። የብልግና ምስሎች አምላክ ክቡር አድርጎ የፈጠረውን ነገር ለማራከስ የሚያገለግሉ መሣሪያዎች መሆናቸው ግልጽ ነው። ሁኔታውን ከዚህ አንጻር መመልከትህ ’ክፋትን እንድትጠላ’ ይረዳሃል።—መዝሙር 97:10

የሚያስከትላቸውን መዘዞች አስብ። የብልግና ምስሎች በምስሉ ላይ የሚታዩትን ሰዎች ክብር ያዋርዳሉ። የሚመለከተውንም ሰው ክብር ይቀንሳሉ። መጽሐፍ ቅዱስ “አስተዋይ ሰው አደጋ ሲያይ መጠጊያ ይሻል” ማለቱ የተገባ ነው።—ምሳሌ 22:3

ለራስህ ቃል ግባ። ታማኝ የነበረው ኢዮብ “ቆንጆይቱን በፍትወት ዐይን እንዳልመለከት፥ ከዐይኔ ጋር ቃል ኪዳን ገብቼአለሁ” ሲል ተናግሯል። (ኢዮብ 31:1 የታረመው የ1980 ትርጉም) አንተም እንደሚከተለው እያልክ ለራስህ ‘ቃል መግባት’ ትችላለህ፦

  • ቤት ውስጥ ብቻዬን ከሆንኩ ኢንተርኔት አልጠቀምም።

  • የብልግና ምስሎችን የያዙ ድረ ገጾች ካጋጠሙኝ ወይም እንዲህ ያሉ ምስሎችን እንድመለከት የሚጋብዙ መልእክቶች ከመጡ ወዲያውኑ አጠፋቸዋለሁ።

  • ችግሩ ካገረሸብኝ ጉዳዩን ጎልማሳ ለሆነ አንድ የምቀርበው ሰው አጫውተዋለሁ።

ክር እጅህ ላይ በተተበተበ ቁጥር ማላቀቁ ከባድ እንደሚሆን ሁሉ የብልግና ምስሎችን ደጋግመህ በተመለከትክ ቁጥርም ልማዱ ይበልጥ ተብትቦ ይይዝሃል

ጉዳዩን አስመልክተህ ጸልይ። መዝሙራዊው “ከንቱ ነገር ከማየት ዐይኖቼን መልስ” በማለት ወደ ይሖዋ ጸልዮአል። (መዝሙር 119:37) አምላክ ይህን ችግር እንድታሸንፍ ይፈልጋል፤ ስለዚህ ስለ ጉዳዩ ወደ እሱ ከጸለይክ ትክክል የሆነውን ነገር ለማድረግ የሚያስፈልግህን ጥንካሬ ይሰጥሃል!—ፊልጵስዩስ 4:13

አንድ ሰው አማክር። ለምትተማመንበት አንድ ሰው ችግርህን ማማከርህ ብዙውን ጊዜ ይህን ልማድ ለማሸነፍ የሚረዳህ ወሳኝ እርምጃ ነው።—ምሳሌ 17:17

ልታስታውሰው የሚገባ ነገር፦ የብልግና ምስሎችን ለመመልከት የሚያጋጥምህን ፈተና ባለፍክ ቁጥር ከፍተኛ ድል እንዳገኘህ ሊሰማህ ይገባል። ፈተናውን ባለፍክ ቁጥር ስለ ሁኔታው ወደ ይሖዋ በመጸለይ ጥንካሬ ስለሰጠህ አመስግነው። ከብልግና ምስሎች ስትርቅ የይሖዋን ልብ ደስ ታሰኛለህ!—ምሳሌ 27:11