በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጠበቂያ ግንብ  |  ኅዳር 2014

 የሽፋኑ ርዕሰ ጉዳይ | በእርግጥ ሰይጣን አለ?

በእርግጥ ሰይጣን አለ?

በእርግጥ ሰይጣን አለ?

ሰይጣን ክፉና የወደቀ መልአክ መሆኑን የሚያሳይ በማድሪድ፣ ስፔን የሚገኝ ሐውልት

“በልጅነቴ እናቴ አልታዘዝ ስላት ‘ዲያብሎስ መጥቶ ይወስድሃል!’ ብላ ታስፈራራኝ ነበር። እኔም ‘ይምጣ! ማን ይፈራዋል?’ እላት ነበር። በአምላክ መኖር ባምንም ዲያብሎስ አለ ብዬ አላምንም ነበር።”—ሮሄሊዮ፣ ኤል ሳልቫዶር

አንተስ በዚህ ሐሳብ ትስማማለህ? ቀጥሎ ከተዘረዘሩት ሐሳቦች መካከል ትክክል እንደሆነ የሚሰማህ የቱ ነው?

  • ሰይጣን በእውን ያለ ነገር አይደለም፤ ከዚህ ይልቅ የክፋት ባሕርይ ነው።

  • ሰይጣን አለ፤ ይሁንና በሰዎች ጉዳይ ጣልቃ የመግባት ፍላጎት የለውም።

  • ሰይጣን በሰው ልጆች ላይ ከፍተኛ ተጽእኖ የሚያሳድር ኃያል መንፈሳዊ ፍጡር ነው።

እነዚህ አመለካከቶች እያንዳንዳቸው በጣም ብዙ ምናልባትም በሚሊዮን የሚቆጠሩ ደጋፊዎች አሏቸው። ይሁን እንጂ ስለዚህ ጉዳይ ያለህ አመለካከት የትኛውስ ቢሆን ለውጥ ያመጣል? አዎ፣ ለምሳሌ ሰይጣን የሚባል አካል ከሌለ እሱ እንዳለ የሚያምኑ ሰዎች ተታልለዋል ማለት ነው። በሌላ በኩል ደግሞ ሰይጣን ቢኖርም በሰዎች ጉዳይ ጣልቃ የመግባት ፍላጎት ከሌለው ብዙ ሰዎች ከእሱ የሚጠነቀቁት አልፎ ተርፎም እሱን የሚፈሩት በከንቱ ነው ማለት ነው። ይሁን እንጂ ሰይጣን ሰዎችን የሚያታልል መሠሪ ፍጡር ከሆነ አብዛኞቹ ሰዎች ከሚያስቡት በላይ አደገኛ ነው።

እስቲ መጽሐፍ ቅዱስ ለሚከተሉት ጥያቄዎች የሚሰጠውን መልስ እንመርምር፦ ሰይጣን የክፋት ባሕርይ ነው? ወይስ መንፈሳዊ አካል ያለው ፍጡር? ሰይጣን መንፈሳዊ አካል ከሆነ ደግሞ ጉዳት ሊያደርስብህ ይችላል? ከሆነ ራስህን ከእሱ መጠበቅ የምትችለው እንዴት ነው?