በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጠበቂያ ግንብ  |  ኅዳር 2013

የመጽሐፍ ቅዱስ ጥያቄዎችና መልሶቻቸው

የመጽሐፍ ቅዱስ ጥያቄዎችና መልሶቻቸው

ወደ ሰማይ የሚሄዱት እነማን ናቸው? የሚሄዱት ለምንድን ነው?

በሚሊዮን የሚቆጠሩ ሰዎች፣ ሲሞቱ ወደ ሰማይ እንደሚሄዱ ተስፋ ያደርጋሉ። ኢየሱስ፣ ታማኝ ሐዋርያቱ በሰማይ እንደሚኖሩ ተናግሯል። በሰማይ ከአባቱ ጋር እንዲሆኑ ቦታ እንደሚያዘጋጅላቸው ከመሞቱ በፊት ለሐዋርያቱ ቃል ገብቷል።ዮሐንስ 14:2ን አንብብ።

በምድር ላይ ይኖሩ የነበሩ ሰዎች ከሞት ሲነሱ ወደ ሰማይ የሚሄዱት ለምንድን ነው? እዚያስ ምን ያደርጋሉ? ኢየሱስ፣ በሰማይ ነገሥታት እንደሚሆኑ ለሐዋርያቱ ነግሯቸዋል። ነገሥታት ሆነው ምድርን ያስተዳድራሉ።ሉቃስ 22:28-30ን እና ራእይ 5:10ን አንብብ።

ጥሩ ሰዎች ሁሉ ወደ ሰማይ ይሄዳሉ?

በብዙ አገሮች በአስተዳደር ሥራ የሚካፈሉት ጥቂት ሰዎች ብቻ ናቸው። ሰዎች ከሞት ተነስተው ወደ ሰማይ የሚሄዱበት ዓላማ ምድርን ለማስተዳደር ስለሆነ እነዚህ ሰዎች ጥቂቶች እንደሚሆኑ ማሰብ እንችላለን። (ሉቃስ 12:32) መጽሐፍ ቅዱስ፣ ከኢየሱስ ጋር የሚገዙት ሰዎች ቁጥራቸው ስንት እንደሚሆን በግልጽ ይናገራል።ራእይ 14:1ን አንብብ።

ኢየሱስ፣ ለአንዳንድ ተከታዮቹ በሰማይ ቦታ አዘጋጅቶላቸዋል። እነዚህ ሰዎች እዚያ ሄደው ምን እንደሚያደርጉ ታውቃለህ?

ሽልማት የሚያገኙት ግን ወደ ሰማይ የሚሄዱት ብቻ አይደሉም። ኢየሱስ ለሚያስተዳድረው መንግሥት በታማኝነት የሚገዙ ሰዎች፣ ገነት በምትሆነው ምድር ላይ ለዘላለም ይኖራሉ። (ዮሐንስ 3:16) አንዳንዶች ይህ ክፉ ሥርዓት ሲጠፋ በሕይወት ተርፈው ወደዚህች ገነት ይገባሉ። ሌሎች ደግሞ በገነት ውስጥ ትንሣኤ ያገኛሉ።መዝሙር 37:29ን እና ዮሐንስ 5:28, 29ን አንብብ።